تۇركىستان وبلىسىندا توعىز ادام شەتەلدىكتەرگە شەكارانى زاڭسىز كەسىپ وتۋگە كومەكتەسكەن

Түркістан
فوتو: polisia.kz

تۇركىستان. KAZINFORM - تۇركىستان وبلىسى پد ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى كوشى-قون زاڭناماسىن ورەسكەل بۇزعان شەتەلدىكتەرگە كومەك كورسەتۋمەن اينالىسقان ادامدار توبىنىڭ قىلمىستىق ارەكەتىن توقتاتتى، - دەپ حابارلادى Polisia.kz.

جەدەل ۋاكىلدەر زاڭسىز كوشى-قوندى ۇيىمداستىردى دەگەن كۇدىكپەن 9 كۇدىكتىنى ۇستادى، ونىڭ ەكەۋى - ايەل، جەتەۋى - ەر ادام. ولاردىڭ ءبىرى وزبەكستان ازاماتى بولسا، قالعاندارى جەرگىلىكتى تۇرعىندار. سونداي-اق پوليتسياعا وزبەكستاننىڭ 6 ازاماتى جەتكىزىلدى.

وسىلايشا پوليتسەيلەر ءتىنتۋ ءىس-شارالارىن جۇرگىزىپ، قۇجاتتار مەن 6 شەتەلدىك پاسپورت، سايگا اڭشى مىلتىعىن پاتروندارىمەن، ەكى ەسىرتكى زاتى بار وراما، 16 تەلەفون، جارتى ميلليون تەڭگەگە جۋىق قاراجات، 250 مىڭ وزبەك اقشاسى جانە وزگە دە زاتتاي دالەلدەمەلەردى تاۋىپ، تاركىلەدى.

قازىرگى ۋاقىتتا زاڭسىز كوشى-قوندى ۇيىمداستىرۋ فاكتىسى بويىنشا قىلمىستىق ءىس قوزعالدى. جەدەل-تەرگەۋ شارالارى جالعاسىپ جاتىر.

بولعان وقيعانىڭ بارلىق جاعدايى انىقتالادى.

اۆتور
ەلميرا ورالبايەۆا

سوڭعى جاڭالىقتار