تۇركىستان وبلىسىندا قىتايلىق ينۆەستور توقىما كومبيناتىن سالىپ جاتىر

استانا. KAZINFORM - تۇركىستان وبلىسىندا قىتايلىق ينۆەستيتسيانىڭ كولەمى ارتىپ كەلەدى، بۇل وڭىردەگى ونەركاسىپتىڭ دامۋىنا وڭ اسەرىن تيگىزىپ جاتىر.

بۇل تۋرالى قازاقستان رەسپۋبليكاسىنىڭ پرەمەر- ءمينيسترىنىڭ ورىنباسارى - ۇلتتىق ەكونوميكا ءمينيسترى سەرىك جۇمانعارين ءمالىم ەتتى.

ۆيتسە-پرەمەردىڭ مالىمدەۋىنشە، تۇركىستان وبلىسىندا قىتايلىق ينۆەستوردىڭ قاتىسۋىمەن ماقتانى وڭدەۋدەن باستاپ دايىن ءونىم شىعارۋعا دەيىنگى تولىق وندىرىستىك تسيكلدى قامتيتىن توقىما كومبيناتىنىڭ قۇرىلىسى ءجۇرىپ جاتىر.

- مەن بۇل كومپانياعا العاش بارعانىمدا، جوبا ەندى باستالعان بولاتىن، ال قازىر ناتيجەسى شىنىمەن دە كەرەمەت، - دەپ اتاپ ءوتتى سەرىك جۇمانعارين استانادا ءوتىپ جاتقان «قىتاي - ورتالىق ازيا» ىسكەرلىك كەڭەسىنىڭ ەكىنشى وتىرىسىنىڭ بارىسىندا.

سونداي-اق ۇلتتىق ەكونوميكا ءمينيسترى ەلىمىزگە شەتەلدىك ينۆەستيتسيانىڭ كەلۋى وڭىرلىك ەكونوميكانىڭ دامۋىنا تىكەلەي ىقپال ەتەتىنىن ايتتى.

- ساۋداسىز ينۆەستيتسيا بولمايدى. ساۋدا نارىقتى زەرتتەۋگە مۇمكىندىك بەرەدى، سودان كەيىن ءىرى جوبالاردى ىسكە اسىرۋ كەزەڭىنە وتۋگە جول اشادى، - دەپ تولىقتىردى ۇكىمەت باسشىسىنىڭ ورىنباسارى.

ايتا كەتەيىك، استانادا ءوتىپ جاتقان «قىتاي - ورتالىق ازيا» ىسكەرلىك كەڭەسىنىڭ ەكىنشى وتىرىسى اياسىندا جالپى قۇنى 17 ميلليارد ا ق ش دوللارىنان اساتىن 35 تەن استام مەموراندۋمعا قول قويىلدى.

ايتا كەتەيىك، ورتالىق ازيا ەلدەرى مەن قىتاي 17 ميلليارد دوللاردىڭ كەلىسىمىنە قول قويدى.