تۇركىستاندا درون ۇشىرۋعا ۋاقىتشا تىيىم سالىندى
تۇركىستان. KAZINFORM - قالادا حالىقارالىق ءىس-شارالارعا بايلانىستى درون پايدالانۋعا ۋاقىتشا شەكتەۋ قويىلدى. بۇل شارا قاۋىپسىزدىكتى قامتاماسىز ەتۋ ماقساتىندا قابىلدانعان.
15-مامىردا تۇركىستان قالاسىندا تۇركى مەملەكەتتەرى ۇيىمىنىڭ (ت م ۇ) بەيرەسمي سامميتى وتەدى. وسىعان وراي 6-15-مامىر ارالىعىندا قالا اۋماعىندا درون ۇشىرۋعا شەكتەۋ ەنگىزىلدى.
- قالا اۋماعىندا ۇشقىشسىز ۇشۋ اپپاراتتارىن ۋاكىلەتتى ورگانداردىڭ رۇقساتىنسىز پايدالانۋعا قاتاڭ تىيىم سالىنادى، - دەلىنگەن قالا اكىمدىگى تاراتقان اقپاراتتا.
سونداي-اق ۆەدومستۆو وكىلدەرى درونداردى زاڭسىز قولدانۋ اكىمشىلىك جاۋاپكەرشىلىككە اكەلەتىنىن اتاپ ءوتتى. تالاپتاردى بۇزعان تۇلعالارعا ايىپپۇل سالىنىپ، ۇشقىشسىز ۇشۋ اپپاراتى تاركىلەنۋى مۇمكىن.
بۇدان بۇرىن تۇركى ەلدەرى تۇركىستان سامميتى الدىندا ينتەگراتسيانى كۇشەيتۋگە نازار اۋدارعانىن جازعان ەدىك.
