10:46, 16 - قىركۇيەك 2024 | GMT +6
ترامپتىڭ ۇلى اتىستان كەيىن كۇدىكتىنىڭ ۇستالعانىن حابارلادى
استانا. KAZINFORM – ا ق ش پرەزيدەنتتىگىنە رەسپۋبليكالىق پارتيادان ۇمىتكەر دونالد ترامپقا گولف كلۋبىنىڭ ماڭىندا قاستاندىق جاسادى دەگەن كۇدىكتى ۇستالدى.
بۇل تۋرالى ەلدىڭ ەكس- پرەزيدەنتىنىڭ ۇلى كىشى دونالد ترامپ مالىمدەدى، دەپ حابارلايدى ت ا س س اقپارات اگەنتتىگى.
«بۇل تاعى دا بولىپ جاتىر. فلوريدا شتاتىنداعى ۆەست پالم-بيچتەگى ترامپ گولف الاڭدارىندا اتىس بولدى. جەرگىلىكتى قۇقىق قورعاۋ ورگاندارىنىڭ مالىمەتىنشە، بۇتالار اراسىنان ا ك-47 اۆتوماتى تابىلعان. قولدا بار مالىمەتتەر بويىنشا، كۇدىكتى ۇستالدى»، - دەپ جازدى ول الەۋمەتتىك جەلىدە.
بۇعان دەيىن دونالد ترامپقا جاڭا قاستاندىق جاسالعانى حابارلانعان بولاتىن.
ەسكە سالا كەتسەك، بۇعان دەيىن ا ق ش- تىڭ پەنسيلۆانيا شتاتىندا سايلاۋالدى اكسياسى كەزىندە دونالد ترامپقا قاستاندىق جاسالعانىن جازعان بولاتىنبىز.
