ترامپ پۋتينمەن تەلەفون ارقىلى سويلەسۋگە نيەتتى
استانا. KAZINFORM - ا ق ش- تىڭ جاڭادان سايلانعان پرەزيدەنتى دونالد ترامپ ءوز كومانداسىنا يناۋگۋراتسيادان كەيىنگى العاشقى كۇندەرى رەسەي باسشىسى ۆلاديمير پۋتينمەن تەلەفون ارقىلى سويلەسۋدى ۇيىمداستىرۋدى تاپسىردى، دەپ حابارلايدى Kazinform مەنشىكتى ءتىلشىسى.

اڭگىمەلەسۋ ترامپ قىزمەتىنە كىرىسكەننەن كەيىن بىرنەشە كۇن ىشىندە وتەتىنى جوسپارلانعان. اڭگىمەلەسۋدىڭ ءبىر ماقساتى - ۋكرايناداعى قاقتىعىستى توقتاتۋ ءۇشىن الداعى ايلاردا جەكە كەزدەسۋدى تالقىلاۋ، دەپ اتاپ ءوتتى CNN.
ا ق ش- تىڭ جاڭادان سايلانعان پرەزيدەنتى يناۋگۋراتسيادان كەيىنگى التى اي ىشىندە پۋتينمەن ۋكراينا داعدارىسى بويىنشا كەلىسسوزدەر جۇرگىزۋدى جوسپارلاپ وتىرعانىن جاريالادى. پرەزيدەنت ترامپتىڭ ۋكراينا بويىنشا ارنايى وكىلى كيت كەللوگتىڭ مالىمدەۋىنشە، ول بۇعان 100 كۇندىك مەرزىمدە قول جەتكىزگىسى كەلەدى.
كەيبىر رەسپۋبليكاشىلدار ۋكرايناداعى قاقتىعىس - ا ق ش- قا ەش قاتىسى جوق ەۋروپالىق ماسەلە ەكەنىن العا تارتىپ وتىر. الايدا دونالد ترامپ سوعىستى توقتاتۋدى ءوز قىزمەتىنىڭ ءبىرىنشى كۇنىندە شەشۋدى جوسپارلاپ وتىرعان ماڭىزدى سىرتقى ساياسات ماسەلەسى رەتىندە قاراستىرادى.
ەسكە سالا كەتەيىك، بۇعان دەيىن ترامپتىڭ يناۋگۋراتسياسىنا دايىندىق قىزىپ جاتقانىن جازعان بولاتىنبىز.