ترامپ رەسەي مەن سولتۇستىك كورەياعا نەلىكتەن باج سالىعىن ەنگىزگەن جوق
استانا. KAZINFORM – ا ق ش اكىمشىلىگى يمپورتتىق ونىمدەرگە باج سالىعىن ەنگىزەتىن ەلدەر تىزىمىندە رەسەي، سولتۇستىك كورەيا جانە باسقا دا ەلدەر جوق.
اق ءۇي رەسەي، بەلارۋس، كۋبا جانە ك ح د ر- عا نەلىكتەن باج سالماعانىن ءتۇسىندىردى.
باسپا ءسوز حاتشى كەرولاين ليۆيتت سارسەنبىدە Axios-قا رەسەيدىڭ تىزىمنەن شىعارىلعانىن، ويتكەنى اقش سانكسيالارى «كەز كەلگەن ماڭىزدى ساۋدانى جوياتىنىن» حابارلادى.
- الايدا ا ق ش ءالى دە ترامپتىڭ تىزىمىندە بولعان ماۆريكي نەمەسە برۋنەي سياقتى ەلدەرمەن سالىستىرعاندا رەسەيمەن كوبىرەك ساۋدا جاساپ ءجۇر، - دەپ جازدى Axios.
تىزىمگە ءتىپتى توكەلاۋ (حالىق سانى 1500 ادام) جانە شپيتسبەرگەن (حالقى 2500) سياقتى شالعاي ارال اۋماقتارى - سايكەسىنشە جاڭا زەلانديا مەن نورۆەگيا اۋماقتارى ەنگىزىلگەن.
ليۆيتت اتاپ وتكەندەي، كۋبا، بەلارۋس جانە سولتۇستىك كورەيا دا تىزىمگە ەنگىزىلگەن جوق، بۇعان ولارعا قارسى قولدانىستاعى تاريفتەر مەن سانكسيالار تىم جوعارى بولۋى سەبەپ.
بۇعان دەيىن دونالد ترامپ سىرتقى ساۋدا-ەكونوميكالىق تاجىريبە ۇلتتىق توتەنشە جاعداي تۋدىرعانىن مالىمدەپ، ا ق ش ەكونوميكاسى مەن امەريكالىق جۇمىسشىلاردى قورعاۋ ءۇشىن جاۋاپ تاريفتەرىن ەنگىزۋ تۋرالى جارلىق شىعاردى.
قازاقستان رەسپۋبليكاسى ساۋدا جانە ينتەگراتسيا مينيسترلىگىنىڭ ا ق ش- تىڭ ءبىرقاتار تاۋارعا جاڭا كەدەندىك باجدار ەنگىزۋىنە قاتىستى مالىمدەمەسى جاريالاندى.
الەم كوشباسشىلارى ترامپ ەنگىزگەن تاريفتەرگە قالاي قارايتىنىن جازعان بولاتىنبىز.
