ترامپ قولتاڭباسى قويىلعان جاڭا كىتابىنىڭ ساتىلاتىنىن حابارلادى
استانا. KAZINFORM - ا ق ش- تىڭ جاڭادان سايلانعان پرەزيدەنتى دونالد ترامپ ءوزىنىڭ «امەريكانى قۇتقارۋ» اتتى جاڭا كىتابىنىڭ ساتىلىمعا شىققانىن حابارلادى. تۋىندىدا ول ءوزىنىڭ مەملەكەت باسشىسى رەتىندەگى العاشقى ءتورت جىلىن جانە اقۇيدەگى الداعى مەرزىمى تۋرالى ويىن جازعان، دەپ حابارلايدى Goa Chronicle.
كىتاپتىڭ باعاسى 99 دوللار. ال اۆتوردىڭ قولى قويىلعان كوشىرمەسىن 499 دوللارعا ساتىپ الۋعا بولادى. كىتاپ رەسپۋبليكاشىلدىڭ بيلىكتەگى العاشقى ءتورت جىلىنداعى «بۇرىن- سوڭدى بولماعان كوزقاراسى» مەن ونىڭ كەلەسى مەرزىمگە دەگەن كوزقاراسىن اشىپ كورسەتەدى جانە ترامپتىڭ ءبىرىنشى اكىمشىلىگىنىڭ «ماڭىزدى ساتتەرىن» قامتيدى.
- الەمدىك كوشباسشىلارمەن جوعارى دەڭگەيدەگى تاريحي كەزدەسۋلەردەن باستاپ اقۇيدىڭ اشىق كورىنىستەرىنە دەيىنگى ءاربىر فوتوسۋرەتتى پرەزيدەنت ترامپ ءوزى تاڭدادى، بۇل ونىڭ پرەزيدەنت رەتىندەگى كەلەسى ءتورت جىلىن نە انىقتايتىنى تۋرالى تۇسىنىك بەرەدى، - دەلىنگەن كىتاپ سيپاتتاماسىندا.
2016 -جىلعى سايلاۋدان كەيىن پرەزيدەنت قىزمەتىن اتقارعان دونالد ترامپ بيىلعى جىلدىڭ 5 - قاراشاسىندا وتكەن پرەزيدەنت سايلاۋىندا جەڭىسكە جەتىپ، 19-عاسىرداعى ءتورت جىلدىق ۇزىلىستەن كەيىن اقۇيگە ورالعان ا ق ش- تىڭ العاشقى كوشباسشىسى اتاندى.
شتاتتاردىڭ سايلاۋشىلار القاسى سايلاۋشىلار ەركىنە 17-جەلتوقساندا داۋىس بەرەدى، ال جاڭا كونگرەسس 2025 -جىلدىڭ 6 -قاڭتارىندا ناتيجەلەردى راستايدى. ۇلىقتاۋ ءراسىمى كەلەسى جىلدىڭ 20 - قاڭتارىندا وتەدى.
