ترامپ ۆەنەسۋەلانىڭ «زاڭسىز ميگرانتتار مەن قىلمىستىق توپ مۇشەلەرىن» قابىلداۋعا كەلىسكەنىن مالىمدەدى
استانا. KAZINFORM - امەريكا قۇراما شتاتتارىنىڭ پرەزيدەنتى دونالد ترامپ ۆەنەسۋەلانىڭ ا ق ش-تان دەپورتاتسيالاناتىن ۆەنەسۋەلالىق زاڭسىز ميگرانتتار مەن قىلمىستىق توپ مۇشەلەرىن قايتارىپ الۋعا كەلىسكەنىن مالىمدەدى، دەپ حابارلايدى رەسەيلىك تاسس اگەنتتىگى.

- ۆەنەسۋەلا اقش- قا قونىستانعان بارلىق ۆەنەسۋەلالىق زاڭسىز ميگرانتتاردى، سونىڭ ىشىندە Tren de Aragua بانداسىنىڭ مۇشەلەرىن ەلىنە قايتارۋعا كەلىستى، - دەپ جازدى ترامپ Truth Social الەۋمەتتىك جەلىسىندە.
ا ق ش پرەزيدەنتى ۆەنەسۋەلانىڭ ولاردى تاسىمالداۋعا دا كەلىسىم بەرگەنىن اتاپ ءوتتى.
ايتا كەتەيىك، بۇعان دەيىن دونالد ترامپتىڭ ەرەكشە تاپسىرمالار جونىندەگى ۋاكىلى ريچارد گرەنەلل كاراكاستا بولىپ، ۆەنەسۋەلا پرەزيدەنتى نيكولاس مادۋرومەن كەزدەستى. گرەنەلل ۆەنەسۋەلالىق زاڭسىز ميگرانتتاردى ەلىنە قايتارۋ جانە ءبىرقاتار امەريكالىق ازاماتتى بوساتۋ ماسەلەلەرىن تالقىلادى.
جۇما كۇنى كەشكە ترامپتىڭ وكىلى بوليۆار رەسپۋبليكاسىنان التى ا ق ش ازاماتىنىڭ بوساتىلعانىن حابارلادى.
وسىعان دەيىن ترامپتىڭ 1-اقپاننان باستاپ ءۇش ەلدەن كەلەتىن تاۋارلارعا باج سالىعىن ەنگىزەتىنى تۋرالى حابارلادىق.