ترامپ كەننەدي مەن مارتين ليۋتەر كينگكە جاسالعان قاستاندىقتىڭ بەتىن اشپاقشى
استانا. KAZINFORM - ءبىرىنشى پرەزيدەنتتىك مەرزىمىندە ترامپ دجون كەننەديدىڭ ولىمىنە قاتىستى قوسىمشا اقپاراتتى جاريا ەتۋدى تاپسىرعان، ەندى بۇل جۇمىستى اياقتاۋدى كوزدەپ وتىر، دەپ حابارلايدى kazinform اگەنتتىگىنىڭ مەنشىكتى ءتىلشىسى.

- قۇجاتتا «وسى ولىمنەن 50 جىلدان استام ۋاقىت وتكەن سوڭ، قۇربانداردىڭ وتباسىلارى مەن امەريكا حالقى شىندىقتى بىلۋگە لايىق. كەننەديدىڭ جازبالارىن ودان ءارى جاسىرۋ قوعام مۇددەسىنە ساي ەمەس جانە بۇل باياعىدا كەشىكتىرىلگەن، - دەدى اق ءۇي.
ترامپ ۇلتتىق بارلاۋ ديرەكتورىنا جانە باسقا ءدا تيىستى شەنەۋنىكتەرگە 15 كۇن ىشىندە دجون كەننەديدى ءولتىرۋ تۋرالى بارلىق جازبالاردى تولىق اشۋ جوسپارىن ۇسىنۋدى بۇيىردى.
پرەزيدەنت ترامپ ءوزىنىڭ ءبىرىنشى مەرزىمىندە اگەنتتىكتەرگە دجون كەننەديدىڭ ولتىرىلگەنى تۋرالى كوبىرەك اقپارات بەرۋدى بۇيىرعانى، ەندى ول بۇل جۇمىستى اياقتاۋدى كوزدەپ وتىرعانى ايتىلدى.
- مەن اق ۇيگە قايتىپ ورالعان سوڭ، كەننەديدىڭ ولتىرىلۋىنە قاتىستى بارلىق قۇجاتتاردى اشامىن جانە جاريا ەتەمىن. 60 جىل بولدى، امەريكا حالقىنا شىندىقتى بىلەتىن كەز كەلدى! ، - دەدى دونالد ترامپ.
بۇرىنعى پرەزيدەنت دجو بايدەن 2021، 2022 جانە 2023 -جىلدارى اقپاراتتى اشۋدى كەيىنگە قالدىردى.
1992 - جىلى كونگرەسس كىسى ولتىرۋگە قاتىستى بارلىق جازبالاردى 25 جىل ىشىندە جاريالاۋدى مىندەتتەگەن.
ەسكە سالا كەتەيىك، بۇعان دەيىن ترامپ ا ق ش- تىڭ وڭتۇستىك شەكاراسىن جاپقانىن حابارلاعان بولاتىنبىز.