ترامپ شون كاررەندى قۇپيا قىزمەتىنىڭ باسشىسى ەتىپ تاعايىندادى
استانا. KAZINFORM - دونالد ترامپ پەنسيلۆانيا شتاتىنىڭ باتلەر قالاسىندا جاسالعان قاستاندىق كەزىندە ءوزىن قورعاعان اگەنت شون كاررەندى قۇپيا قىزمەت ديرەكتورى ەتىپ تاڭدادى، دەپ حابارلايدى Kazinform مەنشىكتى ءتىلشىسى.

دونالد ترامپ Truth Social پلاتفورماسىندا كاررەننىڭ بىرنەشە جىل بويى وتباسىن قورعاعان ۇلى پاتريوت ەكەنىن، سوندىقتان وعان امەريكا قۇراما شتاتتارىنىڭ قۇپيا قىزمەتىنىڭ ەرجۇرەك ەرلەرى مەن ايەلدەرىن باسقارۋدى تاپسىراتىنىن حابارلادى.
- ول مەنى باتلەردەگى (پەنسيلۆانيا شتاتى) قاراقشىنىڭ وعىنان قۇتقارۋ ءۇشىن ءوز ءومىرىن قاتەرگە تىگىپ، باتىلدىعىن كورسەتتى. مەن شوننىڭ قۇراما شتاتتاردىڭ قۇپيا قىزمەتىن بۇرىنعىدان دا كۇشتى ەتەتىنىنە سەنەمىن، - دەپ جازدى دونالد ترامپ.
شون كاررەننىڭ قۇقىق قورعاۋ ورگاندارىندا 23 جىلدىق تاجىريبەسى بار. ول قۇپيا قىزمەتتەگى مانسابىن 2001 - جىلى نيۋاركتەگى (نيۋ- دجەرسي) جەرگىلىكتى بولىمشەدە ارنايى اگەنت رەتىندە باستادى.
كارران اگەنتتىككە العاش رەت 2001 -جىلدىڭ قىركۇيەگىندە قوسىلدى جانە 2024 - جىلدىڭ 29 - جەلتوقسانىندا پرەزيدەنتتىڭ قورعانىس قىزمەتىنە جاۋاپتى ارنايى اگەنتتىڭ ورىنباسارى لاۋازىمىنا دەيىن كوتەرىلدى. جۇزدەگەن اگەنتتەن تۇراتىن بولىمشە قازىرگى پرەزيدەنت پەن ونىڭ ءبىرىنشى وتباسىن قورعاۋ ءۇشىن جاۋاپ بەرەدى.