ترامپ اق ۇيگە ورالىپ، كاپيتوليگە شابۋىل جاساعاندارعا راقىمشىلىق جاسادى
استانا. KAZINFORM - دونالد ترامپ دۇيسەنبى كۇنى كەشكە ا ق ش- تىڭ 47- پرەزيدەنتى رەتىندە اق ۇيگە العاش رەت كەلىپ، وندا ول بۇرىن جاريالاعان كوپتەگەن بۇيرىقتارعا قول قويدى، دەپ حابارلايدى BBC.

2021 -جىلدىڭ 6 - قاڭتارىندا ترامپتىڭ جاقتاستارى دجو بايدەننىڭ پرەزيدەنت بولىپ بەكىتىلۋىنە جول بەرمەۋگە تىرىسىپ، ۆاشينگتوندا بۇلىك شىعارعان بولاتىن. وسى تۇستا كاپيتوليگە شابۋىلعا جاساپ، وعان قاتىسقان جۇزدەگەن جاقتاستارىنا راقىمشىلىق جاساۋ تۋرالى بۇيرىققا قول قويدى.
- ولار بۇگىن بوستاندىققا شىعادى دەپ ۇمىتتەنەمىن، ولار سونى كۇتىپ وتىر. شامامەن 1500 ادام، - دەدى ترامپ.
امەريكالىق ب ا ق تىلشىلەرى كەيىنىرەك ترامپ بۇل سيفردى ايتقان كەزدە قاتە سويلەگەنىن، ءىس جۇزىندە 1600 گە جۋىق ادامعا راقىمشىلىق جاسالعانىن اتاپ ءوتتى.
سونداي- اق ترامپ كوتەرىلىسكە باستامشى بولعان ءارى شابۋىلدى جوسپارلاۋعا كومەكتەستى دەگەن ايىپپەن سوتتالعان اسىرە وڭشىل Oath Keepers جانە Proud Boys توپتارىنىڭ 14 مۇشەسىنىڭ ۇكىمدەرىن جەڭىلدەتتى.
ەڭ ۇزاق 22 جىل جازاسىن وتەپ جاتقان Proud Boys كوشباسشىسى ەنريكە تارريونىڭ ادۆوكاتى CBS News كە ونىڭ كليەنتىنىڭ جاقىن ارادا بوساتىلۋى كۇتىلەتىنىن ايتتى.
بۇيرىق سونىمەن قاتار ا ق ش باس پروكۋرورىنان ءالى سوتتا قارالىپ جاتقان 300 گە جۋىق ءىستى توقتاتۋدى تالاپ ەتىپ وتىر.
ەسكە سالا كەتەيىك، بۇعان دەيىن ترامپ بيلىككە كەلە سالا ا ق ش- تا جۇمىس ىستەۋگە رۇقسات بەرەتىن ميگراتسيالىق قوسىمشانىڭ جۇمىسىن توقتاتتى.