«تۇمار» ۇلتتىق تەلەۆيزيالىق سىيلىعىنا ءوتىنىم قابىلداۋ باستالدى
استانا. قازاقپارات – 14-مامىردان باستاپ «تۇمار» - 2025 ۇلتتىق تەلەۆيزيالىق سىيلىعىنا ءوتىنىم قابىلداپ جاتىر.
بايقاۋعا 2024-جىلعى 13-مامىر مەن 2025-جىلعى 14-مامىر ارالىعىندا قازاقستاندىق تەلەارنالاردىڭ ەفيرىندە كورسەتىلگەن جوبالار قاتىسا الادى. ءوتىنىمدى رەسپۋبليكالىق جانە وڭىرلىك تەلەارنالار، تەلەستۋديالار مەن كاسىبي تەلەۆيزيالىق كونتەنت ءوندىرۋشى كومپانيالار ۇسىنۋعا قۇقىلى.
بايقاۋ بىرنەشە نوميناتسيا بويىنشا وتەدى:
- ەڭ ۇزدىك الەۋمەتتىك تەلەجوبا
- جىلدىڭ ەڭ ۇزدىك رەپورتاجى
- ەڭ ۇزدىك اقپاراتتىق تالدامالىق باعدارلاما
- ەڭ ۇزدىك جۋرناليستىك زەرتتەۋ
- جىلدىڭ ەڭ ۇزدىك تەلەحيكاياسى
- ەڭ ۇزدىك دەرەكتى فيلم
- ەڭ ۇزدىك بالالار تەلەجوباسى
- ەڭ ۇزدىك وڭىرلىك تەلەارنا
- ەڭ ۇزدىك تەلەجۋرناليست
- ەڭ ۇزدىك تەلەجۇرگىزۋشى
- ەڭ ۇزدىك سپورتتىق كوممەنتاتور
ءوتىنىم 2025-جىلعى 9-ماۋسىمعا دەيىن قابىلدانادى. تولىق اقپاراتتى tvtumar.kz رەسمي سايتىنان بىلۋگە بولادى.
«تۇمار» بايقاۋى 2017-جىلدان بەرى مادەنيەت جانە اقپارات مينيسترلىگىنىڭ باستاماسىمەن ۇيىمداستىرىلىپ كەلەدى. وسى ۋاقىت ىشىندە سىيلىققا 2200 دەن استام ءوتىنىم قابىلدانىپ، 354 جوبا نومينانت اتاندى. ال «تۇمار» مۇسىنشەسىن 98 جەڭىمپاز يەلەندى.
