تۇمان، كوكتايعاق، جەل: قازاقستاننىڭ 13 وڭىرىندە اۋا رايىنا بايلانىستى ەسكەرتۋ جاريالاندى

«قازگيدرومەت» ر م ك-سى قازاقستاننىڭ 13 وڭىرىندە اۋا رايىنا بايلانىستى ەسكەرتۋ جاريالادى، دەپ حابارلايدى Kazinform.

1-جەلتوسقاندا اتىراۋ، باتىس قازاقستان وبلىستارىندا تۇمان ءتۇسىپ، كوكتايعاق بولادى.

ماڭعىستاۋ، جامبىل، ۇلىتاۋ وبلىستارىندا تۇمان تۇسەدى.

قاراعاندى، سولتۇستىك قازاقستان، پاۆلودار، قوستاناي وبلىستارىندا جاياۋ بۇرقاسىن سوعىپ، كوكتايعاق، تۇمان بولادى. جەل سەكۋندىنا 18 مەتر جىلدامدىقپەن سوعادى.

اقمولا، شىعىس قازاقستان جانە اباي وبلىستارىندا بۇرقاسىن سوعىپ، كوكتايعاق بولادى. ەلىمىزدىڭ باتىسىندا، سولتۇستىگىندە، شىعىسىندا تۇمان تۇسەدى. جەل وڭتۇستىك-باتىستان سوعىپ، ەلدىڭ باتىسى، شىعىسىندا ەكپىنى سەكۋندىنا 15-20 مەترگە جەتەدى.

اقتوبە وبلىسىندا كوكتايعاق بولادى.