فۋتبولدان ءا چ-2026: مەكسيكا توپتىق كەزەڭدە ۇپاي جوعالتقان جوق

بۇل مەكسيكا قۇراماسى توپتىق كەزەڭدە بىردە-ءبىر ۇپايدان شاشاۋ شىعارعان جوق. ولار سوڭعى تۋردا چەحيامەن شەبەرلىك بايقاسقان ەدى.

كەزدەسۋ بارىسىندا مەكسيكالىق ماتەو چاۆەس 55-مينۋتتا ەسەپ اشسا، ودان كەيىن حۋليان كينونەس 61، الۆارو فيدالگو 94-مينۋتتا ەكى گول سوعىپ كەتتى.

وسىلايشا مەكسيكالىق فۋتبولشىلار قارسىلاسىنان 3:0 ەسەبىمەن باسىم ءتۇسىپ، ءوز توبىندا ءبىرىنشى ورىنمەن پلەي-وفف ساتىسىنا شىقتى.

تاعى ءبىر كەزدەسۋدە وڭتۇستىك افريكا قۇراماسى وڭتۇستىك كورەيانى 1:0 ەسەبىمەن جەڭدى. كەزدەسۋ تاعدىرىن شەشكەن تحاپەلو ماسەكو 63-مينۋتتا سوقتى. بۇل جەڭىستەن كەيىن افريكالىق قۇراما ءوز توبىندا 4 ۇپايمەن ەكىنشى ورىن الىپ، جارىستى جالعاستىرۋعا مۇمكىندىك الدى.

ال توپتىق كەزەڭدە ءۇش ۇپاي ەنشىلەگەن وڭتۇستىك كورەيا ازىرگە پلەي-وفف ساتىسىنا شىعۋ مۇمكىندىگىن ءالى تولىق شەشە العان جوق. ول وزگە توپتارداعى قۇرامالاردىڭ تۋرنير كەستەسىندەگى جاعدايىنا بايلانىستى انىقتالادى.

ايتا كەتسەك، بۇدان بۇرىن ۆ جانە س توپتارىندا ءۇشىنشى تۋر ويىندارى اياقتالدى.