تايۆاندا ماگنيتۋداسى 6,5 بالعا دەيىن جەتكەن 20 دان استام جەراستى ءدۇمپۋى تىركەلدى

Жер сілкінісі
فوتو: ت ا س س

استانا. KAZINFORM - تايۆاننىڭ شىعىس جاعالاۋىندا ماگنيتۋداسى 3,4 پەن 6,5 ارالىعىنداعى 20 دان استام جەراستى ءدۇمپۋى تىركەلدى. بۇل تۋرالى ارالدىڭ ورتالىق مەتەورولوگيالىق دەپارتامەنتىنەن مالىمدەدى، دەپ حابارلادى ت ا س س اقپارات اگەنتتىگى.

ماگنيتۋداسى 7,2 بال جەر سىلكىنىسى سارسەنبى كۇنى جەرگىلىكتى ۋاقىت بويىنشا ساعات 07:58-دە (استانا ۋاقىتىمەن 04:58) بولىپ، بۇكىل تايۆاندا سەزىلدى.

جەرگىلىكتى سەيسمولوگتاردىڭ مالىمەتىنشە، جەر سىلكىنىسىنىڭ وشاعى ارالدىڭ شىعىس جاعالاۋىندا، حۋاليان قالاسىنان وڭتۇستىك- شىعىسقا قاراي 25 شاقىرىم جەردە، وشاعى 15,5 شاقىرىم تەرەڭدىكتە بولعان.

بۇعان دەيىن جاپونيانىڭ سولتۇستىك- شىعىسىندا الدىن الا ماگنيتۋداسى 6,0 بولاتىن جەر سىلكىنىسى تۋرالى حابارلانعان بولاتىن. ول جاپونيانىڭ 7 بالدىق سەيسميكالىق قارقىندىلىق شكالاسى بويىنشا اوموري پرەفەكتۋراسىنداعى حاتينوحا مەن ميساۆادا جانە يۆاتە پرەفەكتۋراسىنداعى مياكو مەن كۋدزيدە 5 بالدان تومەن تىركەلدى.

جەر سىلكىنىسىنىڭ وشاعى يۆاتە پرەفەكتۋراسىنىڭ سولتۇستىك بولىگىندە، شامامەن 71 شاقىرىم تەرەڭدىكتە بولدى.

اۆتور
زارينا تۋعانبايەۆا

سوڭعى جاڭالىقتار