تاياۋ شىعىستاعى قاقتىعىس سالدارىنان ەۋرووداق ەلدەرىندە گاز باعاسى %70 ءوستى
استانا. KAZINFORM - ەۋروپالىق وداقتىڭ ەنەرگەتيكا جونىندەگى كوميسسارى دان يورگەنسەن تاياۋ شىعىس داعدارىسى كەزىندە ەۋروپالىق وداقتاعى گاز باعاسى %70، مۇناي باعاسى %60 قىمباتتاعانىن ايتتى، دەپ حابارلايدى بەلتا.
- تاياۋ شىعىستا قاقتىعىس باستالعالى ەۋروپالىق وداقتا گاز باعاسى %70 عا، مۇناي - %60 عا ءوستى. قارجىلىق تۇرعىدان العاندا، 40 كۇندىك قاقتىعىس ەۋروپالىق وداقتى ەنەرگيا يمپورتىنا قوسىمشا 14 ميلليارد ەۋرو جۇمساۋعا ءماجبۇر ەتتى، - دەدى دان يورگەنسەن.
بۇعان دەيىن ەۋروپالىق وداق قازاقستان مۇنايىنىڭ ەكسپورتىنا كەدەرگى كەلتىرمەيتىنى تۋرالى جازدىق.
سونداي-اق ەۋروپالىق وداق يننوۆاتسيالىق قورعانىس تەحنولوگيالارىن ازىرلەۋدى جەدەلدەتۋ ءۇشىن 115 ميلليون ەۋرو بولۋدى جوسپارلاپ وتىر.
ايتا كەتەيىك، وداق بىلتىر گرۋزياعا قارجىلىق كومەك كورسەتكەن جوق. بۇل جاعداي 2026 -جىلى دا جالعاسۋى مۇمكىن ەكەنىن جازعان بولاتىنبىز.
