تاسقىنعا قارسى توسەلگەن قۇمقاپتاردى كىم جيناستىرادى – ت ج م جاۋابى

استانا. KAZINFORM - توتەنشە جاعدايلار ۆيتسە- ءمينيسترى باۋىرجان سىزدىقوۆ ۇكىمەت وتىرىسىنان كەيىن وتكەن بريفينگىدە تاسقىنعا قارسى توسەلگەن قۇمقاپتاردى ەكولوگياعا اسەرى تۋرالى پىكىر ءبىلدىردى.

«ەرتە مە، كەش پە تاسقىن اياقتالادى. سول كەزدە قالىڭ قۇمقاپتى نە ىستەيسىزدەر؟ بۇل جاڭا ەكولوگيالىق اپاتقا اكەلمەي مە؟ وسى كۇيى قالدىرىپ كەتپەيسىزدەر مە؟ ەرتەڭ ونى كىم جيناستىرادى» - دەپ سۇرادى ب ا ق وكىلى.

باۋىرجان سىزدىقوۆ جۋرناليست ايتقان قۇمقاپتار قازىرگى كۇيىندە قالمايتىنىنا سەندىردى.

«دۇرىس ءتۇسىنۋىڭىز كەرەك. ءبارى ول كۇيىندە قالمايدى. ارينە، ەكولوگياعا جاۋاپ بەرەتىن ورگاندار بار، اكىمدىكتەر دە ونداي بولىمشەلەر بار. ونىڭ بارىمەن اينالىسادى. بۇگىنگى تاڭدا بوگەتتەردى، ۋاقىتشا دوڭدەردى جاساعان بولساق، اشەيىن قالادى دەپ ويلامايمىز. ونى دا كەرەك-جاراققا، حالىقتى، ۇيلەردى، ەلدى قورعاۋعا جاراتامىز. ونى وڭدەۋ جۇمىستارى بولادى»، - دەدى باۋىرجان سىزدىقوۆ.

اۆتور

ەسىمجان ناقتىباي