تاسقىن سالدارىن جويۋعا باي-ماناپتاردان كىمدەر تارتىلۋى مۇمكىن
استانا. KAZINFORM - ەلىمىزدى كەيىنگى 30 جىلدىڭ ىشىندە بۇرىن-سوڭدى بولىپ كورمەگەن قارعىن سۋ، ودان كەيىنگى قىزىل سۋ ابىگەرگە سالىپ وتىر. كەيبىر وڭىردە قاۋىپتىڭ بەتى ءالى سەيىلگەن دە جوق. وسىنداي قيىن كەزەڭدە قازاقستان حالقى زارداپ شەككەن وڭىرلەرگە ازىق-تۇلىك، كيىم-كەشەك جانە تۇرمىستىق قاجەتتى زاتتارمەن قاتار، اقشالاي دا كومەك قولىن سوزىپ جاتىر. ونەر ادامدارى دا بۇل يگى ىستەن تىس قالماي 100 مىڭداپ قاراجات جيناسا، ءىرى كومپانيالار قوماقتى قارجى اۋدارىپ جاتقانى بەلگىلى. ال تاۋەلسىزدىك جىلدارى ىشىندە قازاقتىڭ بۇكىل تابيعي بايلىعىن باسىپ، بۇگىندە فوربس تىزىمىنە كىرگەندەر شە؟
كۇنى كەشە مەملەكەت باسشىسى قاسىم-جومارت توقايەۆ قوستاناي وبلىسىنا جۇمىس ساپارى بارىسىندا سۋ تاسقىنى اۋىرتپالىعىن ەڭسەرۋگە جاردەمدەسكەن بيزنەس وكىلدەرىمەن جانە ەرىكتىلەرمەن جۇزدەسىپ، زارداپ شەككەن حالىققا ناقتى كومەك كورسەتۋ ىسىندە بيزنەسمەندەردىڭ ءرولى زور ەكەنىنە ايرىقشا نازار اۋدارعان بولاتىن.
«ءبىزدىڭ ەلىمىزدە Forbes تىزىمىنە كىرەتىن ءىرى كاسىپكەرلەر بار. ولارمەن ارنايى كەزدەسەمىز. ولار ءار وبلىسقا، اۋدانعا، ەلدى مەكەنگە بەكىتىلەدى جانە ناقتى جاۋاپكەرشىلىك جۇكتەلەدى. بۇل ءبىر جاعىنان كاسىپكەرلەردىڭ مۇددەسىنە ساي كەلەدى. ويتكەنى، ولار وزدەرىنىڭ قوسقان ۇلەسىنىڭ ناقتى ناتيجەسىن كورەتىن بولادى. حالقىنا قايىرىمدىلىق جاساعان ازامات رەتىندە سىزدەردىڭ دە ەسىمدەرىڭىز مەملەكەت تاراپىنان ەلەۋسىز قالمايدى دەپ ويلايمىن»، - دەگەن ەدى قاسىم-جومارت توقايەۆ.
جالپى، ءبىراز جىلدان بەرى وتاندىق باقۋاتتى جانداردىڭ ءتىزىمىن ەلىمىزدە شىعاتىن Forbes جۋرنالى ارنايى جۇرگىزىپ كەلە جاتقانى بەلگىلى . ءتىپتى، بايلىعىنىڭ مولدىعى جايلى دەرەك رەسپۋبليكادان تىسقارى جەتىپ، دۇنيەجۇزىلىك Forbes تىزىمىنە كىرگەن الپاۋىتتار دا بارشىلىق. ايتالىق، وسى جىلعى ءساۋىر ايىنىڭ باسىندا امەريكالىق Forbes جۋرنالى جىلداعى داستۇرىنەن جاڭىلماي جەر شارىنداعى ەڭ باي ادامداردىڭ ءتىزىمىن جاريا ەتكەن بولاتىن. ءدال وسى تىزىمگە بيىل قازاقستان بيزنەسىنەن بىردەن 7 وكىل كىرىپ وتىر. ولار:
. ۆياچەسلاۆ كيم
. ميحايل لومتادزە
. تيمۋر مەن دينارا ق ۇلىبايەۆتار
. ۆلاديمير كيم،
. تيمۋر تۋرلوۆ
. بولات وتەمۇراتوۆ.
. ۆياچەسلاۆ كيم
سونىمەن، بيىل ۆياچەسلاۆ كيم قازاقستانداعى ەڭ باي ادام اتانىپ وتىر. ال الەمدىك رەيتينگتە ول 5,8 ميلليارد بايلىعىمەن 511-ورىندا تۇر. Forbes جۋرنالى وتكەن جىلى ونىڭ بايلىعى ايتارلىقتاي ەسەلەنە تۇسكەندىگىن اتاپ وتەدى.
ۆياچەسلاۆ كيمنىڭ بيزنەس سەرىكتەسى ميحايل لومتادزە جاھاندىق رەيتينگتە 581-ورىنعا جايعاسقان. گرۋزيا ازاماتى لومتادزەنىڭ بايلىعى بيىل 5,3 ميلليارد دوللار كولەمىندە باعالانادى.
ال اتالعان رەيتينگتىڭ 612-ورنىندا تۇرعان تيمۋر مەن دينارا قۇلىبايەۆتاردىڭ ءارقايسىسىنىڭ بايلىعى 5 ميلليارد دوللاردان باعالانادى. ولاردىڭ نەگىزگى تابىس كوزى قارجى بيزنەسى سانالادى. Forbes جۋرنالىنىڭ دەرەگىنە قاراعاندا، وتكەن جىلى ولاردىڭ ءارقايسىسىنىڭ بايلىعى 700 ميلليون دوللارعا، ال، ەكەۋىنىكىن قوسا العاندا ءبىر جىلدا 1,4 ميلليارد دوللارعا ارتقان.
2023 -جىلى KAZ Minerals اكسيونەرى ۆلاديمير كيم ەڭ باي قازاقستاندىق بولعانى ەستە. ول بيىل 4-ورىنعا سىرعىعان. Forbes ەسەپتەۋىنە قاراعاندا، ءبىر جىلدىڭ ىشىندە ونىڭ بايلىعى 4,6 ميلليارد دوللاردان 3,6 ميلليارد دوللارعا دەيىن كەمىگەن. دەگەنمەن، ۆلاديمير كيم جاھاندىق رەيتينگتە 896-ورىندا تۇر. وتكەن جىلى 591-ورىندا بولعان ەدى.
Freedom Holding نەگىزىن قالاۋشى تيمۋر تۋرلوۆتىڭ بايلىعى 1 -جىلدىڭ ىشىندە 3,1 ميلليارد دوللاردان 3,3 ميلليارد دوللارعا دەيىن ارتتى. الايدا، ول جاھاندىق رەيتينگتە 949-ورىننان 991-ورىنعا قاراي تومەن سىرعىدى.
Forbes تىزىمىنە كىرگەن جانە ءبىر قازاقستان ميللياردەرى - بولات وتەمۇراتوۆ. ونىڭ بايلىعى ءبىر جىل ىشىندە ەش وزگەرمەگەن. ءبىراق، جاھاندىق رەيتينگتە 1104-ورىننان 1238-ورىنعا تومەندەدى. كاسىپكەردىڭ بايلىعى 2,7 ميلليارد دوللارعا باعالانادى.
ايتا كەتەرلىگى، قازاقستاندا شىعاتىن Forbes جۋرنالى 2011 -جىلدان بەرى ەلىمىزدەگى ەڭ باي جانە ەڭ ىقپالدى بيزنەسمەندەردىڭ رەيتينگىن جىل سايىن جەكە-جەكە شىعارىپ كەلەدى. ماسەلەن، ەڭ باي بيزنەسمەندەر رەيتينگى 2023 -جىلدىڭ مامىرىندا، ال ەڭ ىقپالدى بيزنەسمەندەر رەيتينگى سول جىلدىڭ قازانىندا شىققان بولاتىن. وسى سوڭعى رەيتينگتەردىڭ دە العاشقى وندىعىندا جوعارىداعى جاھاندىق تىزىمدەگى باي-ماناپتىڭ اتى-ءجونىن كەزدەستىرۋگە بولادى. ماسەلەن، قازان ايىندا جاريالانعان ەلىمىزدەگى ەڭ ىقپالدى 50 بيزنەسمەننىڭ قاتارىندا دينارا قۇلىبايەۆا مەن ميحايل لومتادزەدەن باسقالارىنىڭ ءبارى كىرگەن جانە العاشقى وندىقتى مىنا كاسىپكەرلەر تۇيىندەپ وتىر:
. الەكساندر ماشكيەۆيچ
. نۇرلان سماعۇلوۆ
. ايدىن راحىمبايەۆ
. الەكساندر بەلوۆيچ
. ەۋارد وگاي.
. الەكساندر ماشكيەۆيچ
الەكساندر ماشكيەۆيچ - پاتوح شوديەۆ، يبراگيموۆتەر وتباسى جانە قازاقستان ۇكىمەتىمەن بىرگە يەلىك ەتەتىن Eurasian Resources Group اكتسيونەرى جانە ديرەكتورلار كەڭەسىنىڭ ءتوراعاسى. كومپانيالار توبىنا «قازحروم» كومپانياسى، سوكولوۆ- سارىباي تاۋ-كەن بايىتۋ وندىرىستىك بىرلەستىگى، قازاقستان ەلەكتروليز زاۋىتى جانە باسقا دا اكتيۆتەر كىرەدى. بايلىعى - 3,7 ميلليارد دوللار.
810 ميلليون دوللار بايلىعى بار نۇرلان سماعۇلوۆ «استانا گرۋپ» حولدينگىنىڭ نەگىزىن قالاعان جانە ونىڭ ءتوراعاسى. حولدينگ قۇرامىنا «استانا موتورس» كومپانياسى، الماتى مەن استاناداعى MEGA ساۋدا ورتالىقتارى جانە Mycar جوباسى كىرەدى.
سەگىزىنشى ورىندا تۇرعان BI Group حولدينگىنىڭ اكسيونەرى ءارى ديرەكتورلار كەڭەسىنىڭ ءتوراعاسى ايدىن راقىمبايەۆتىڭ بايلىعى 620 ميلليون دوللارعا باعالانادى.
الەكساندر بەلوۆيچ - Bazis-A كورپوراتسياسىنىڭ نەگىزىن قالاۋشى ءارى ديرەكتورلار كەڭەسىنىڭ ءتوراعاسى. بۇگىندە كورپوراتسياعا ۇلىمەن بىرگە يەلىك ەتىپ وتىر. وتباسىلىق بايلىعى - 790 ميلليون دوللار.
ەۋارد وگايدىڭ بايلىعى - 750 ميلليون دوللار. «Kazakhmys Copper» ا ق-نىڭ 30 پايىزىنا يەلىك ەتەدى. مۇنان بولەك، 2 ۇلىمەن بىرگە «قاراجىرا» ا ق-نىڭ 70 پايىزىنا باقىلاۋ جاساپ وتىر.
جالپى، ەلىمىزدەگى ەڭ ىقپالدى 50 بيزنەسمەننىڭ قاتارىنا جوعارىدا اتالعان وندىقتان بولەك مىنا كاسىپكەرلەر كىرەدى:
شۋحرات يبراگيموۆ ERG توبىندا يبراگيموۆتەر وتباسى اتىنان وكىلدىك ەتەدى جانە توپتىڭ ديرەكتورلار كەڭەسىنىڭ قۇرامىنا كىرەدى. سونىمەن قاتار، «ەۋرازيا» ساقتاندىرۋ كومپانياسى» ا ق ديرەكتورلار كەڭەسىنىڭ ءتوراعاسى، «ەۋرازيالىق قارجى كومپانياسى» ا ق جانە «ەۋرازيالىق بانك» اق ديرەكتورلار كەڭەسىنىڭ مۇشەسى، Eurasian Resources Group باقىلاۋ كەڭەسىنىڭ مۇشەسى. وتباسىلىق بايلىعى - 1 ميلليارد 320 ميلليون دوللار.
ولەگ نوۆاچۋكتىڭ بايلىعى - 615 ميلليون دوللار. ول Nova Resources B. V. ۆ ارقىلى KAZ Minerals Ltd كومپانياسىنىڭ 36,5 پايىزىن باقىلاۋىندا ۇستاپ وتىر.
رايىمبەك باتالوۆ قۇرامىنا Raimbek Agro، «رايىمبەك گرۋپپ پليۋس»، City Fair Trade ltd, Raimbek Bottlers Group كومپانيالارى كىرەتىن Raimbek Group حولدينگىنىڭ يەسى ءارى ديرەكتورلار كەڭەسىنىڭ ءتوراعاسى. قازىرگى ۋاقىتتا «اتامەكەن» ۇلتتىق كاسىپكەرلەر پالاتاسىنا باسشىلىق جاسايدى.
عالىمجان ەسەنوۆ «First Heartland Securities» ا ق-نىڭ 99,74 پايىزىنا يەلىك ەتەدى. بيىل «First Heartland Jusan Bank» ا ق-تىڭ 78,73 پايىزىن يەلىگىنە الدى. ونىڭ يەلىگىندە مۇنان وزگە دە بىرنەشە كومپانيا بار. بايلىعى - 435 ميلليون دوللار.
ەركىن تاتىشەۆ - 2002 -جىلى قۇرىلعان جانە كانادا، قىتاي، يزرايل، ۆەتنام ۋكراينا، گرۋزيا، سينگاپۋر، تۇركيا جانە قازاقستاندا جۇمىس ىستەيتىن Kusto Group كومپانياسى يەلەرىنىڭ ءبىرى جانە ديرەكتورلار كەڭەسىنىڭ ءتوراعاسى. بايلىعى - 338 ميلليون دوللار.
دىنمۇحامەت ىدىرىسوۆ ماڭعىستاۋ، قاراعاندى، تۇركىستان جانە شىعىس قازاقستان وبلىستارىندا جۇمىس ىستەيتىن «قازاقستاننىڭ كوممۋنالدىق جۇيەسى» ج ش س-ىنە، Ordabasy Group كومپانياسىنا يەلىك ەتەدى. وزگە دە كومپانيالاردا ۇلەسى بار. بايلىعى - 490 ميلليون دوللار.
باقىتبەك بايسەيىتوۆ «سەنتركرەديت بانكى» ا ق-نىڭ 48,47 پايىزىن يەلەنەدى. وزگە دە اكتيۆتەردە ۇلەسى بار. بايلىعى - 392 ميلليون دوللار.
دانيار ءابىلعازيننىڭ وتباسى «Sinooil» «PetroRetail» «Mercury Service Company» سەرىكتەستىكتەرىندەگى ۇلەسكە يە. بايلىعى - 290 ميلليون دوللار.
ايدان كارىبجانوۆ - «Visor Kazakhstan» ج ش س-نىڭ ماجوريتارلىق يەسى. سونىمەن قاتار «Aua Energy» «Greencity KZ» «Northern Wind Kazakhstan» «ASpan Energo» جانە جەل ەلەكتر ستانسالارىنان ەلەكتر ەنەرگياسىن وندىرۋمەن اينالىساتىن «Sarma Energy» كومپانيالارىندا ۇلەسى بار. بايلىعى - 226 ميلليون دوللار.
كەڭەس راقىشەۆ «Fincraft Group» ج ش س-نە يەلىك ەتەدى. اتالعان كومپانيا ارقىلى قۇرامىنا «SAT Nickel» جانە «SAT Petrochemicals» كومپانيالارى كىرەتىن «Fincraft Resources» ا ق-نىڭ 78,39 پايىزىنا يەلىك ەتىپ وتىر. وزگە دە كومپانيالاردا ۇلەسى بار. بايلىعى - 570 ميلليون دوللار.
الەكساندر كلەبانوۆقا قۇرامىنا «پاۆلودارەنەرگو» ا ق، «سيەۆكازەنەرگو» ا ق، «اقمولا ەلەكتر جەلىلەرىن تاراتۋ كومپانياسى» ا ق كىرەتىن «سا ە ك» ا ق-تىڭ 47,10 پايىزى تيەسىلى. بايلىعى - 398 ميلليون دوللار.
Sulpak پەن Alser ساۋدا جەلىلەرىنىڭ ماجوريتارلىق ۇلەسىنە يەلىك ەتەتىن الماس سۇلتانعازيننىڭ بايلىعى - 182 ميلليون دوللار. ونىڭ وزگە دە كومپانيالاردى ۇلەسى بار.
سەرىكجان سەيىتجانوۆتار وتباسىنا «وڭتۇستىك» قارجى ساۋدا- ونەركاسىپ كورپوراتسياسى تيەسىلى. ولار وسى كورپوراتسيا ارقىلى كوپتەگەن كومپانياعا يەلىك ەتەدى. سونىمەن قاتار، Rixos Khadisha Shymkent, Rixos Turkestan قوناق ۇيلەرى، Satti Zhol جانار-جاعارماي قۇيۋ ستانسالارى جەلىسى، شىمكەنتتەگى وڭتۇستىك قازاقستان مەديتسينا اكادەمياسى مەن يننوۆاتسيالىق- تەحنيكالىق كوللەجدى دە وسى وتباسىنىڭ يەلىگىندە. بايلىعى - 360 ميلليون دوللار.
ارمانجان بايتاسوۆتىڭ قۇرامىنا MuzzOne تەلەارناسى، «بيزنەس- FM» راديوستانساسى، Businessfm.kz سايتى، Forbes Kazakhstan جانە Forbes Georgia جۋرنالدارى كىرەتىن Tan Media Group پەن United Media Group كومپانيالارىندا ۇلەسى بار. بايلىعى - 89 ميلليون دوللار.
بەرىك قانيەۆ قۇرامىنا مۇنايسەرۆيس، قۇرىلىس، تاۋ-كەن، فارماتسيەۆتيكا سالالارىندا كومپانيالار كىرەتىن Lancaster Group اكتسيونەرى جانە ديرەكتورلار كەڭەسىنىڭ ءتوراعاسى.
اندرەي لاۆرەنتيەۆ قۇرامىنا «اگروماشحولدينگ» ج ش س مەن «سارىارقااۆتوونەركاسىپ» ج ش س كىرەتىن «الليۋر» كومپانيالار توبى» ا ق-نىڭ اكتسيونەرى جانە ديرەكتور كەڭەسىنىڭ ءتوراعاسى. وتكەن جىلى ول «قارمەت» كومبيناتىن ساتىپ العان بولاتىن.
ەدۋارد كيم قازاقستان مەن قىرعىزستاندا Technodom جەلىلەرى بار «Technodom Operator» ا ق نەگىزىن قالاۋشى ءارى يەسى. وزگە دە كومپانيالاردا ۇلەسى بار. بايلىعى - 279 ميلليون دوللار.
قانات كوپبايەۆ Kusto Group PTE Ltd باسقارۋشى ديرەكتورى. قازاقستاندا توپتىڭ يەلىگىندە مىناداي كومپانيالار بار: «Kazpetrol Group» ج ش س، Compass جانار- جاعارماي قۇيۋ ستانسالار جەلىسى، «Kusto Home» ج ش س، «Semey Tannery» ج ش س، «KazCenosphere’s» ج ش س. بايلىعى - 169 ميلليون دوللار.
سايدۋللا قوجابايەۆ - Alageum Group كومپانياسىنىڭ ماجوريتارلىق يەسى. كومپانيا قۇرامىنا، كەنتاۋ، ورال، اقتاۋ، الماتى، شىمكەنت قالالارىنداعى تراسفورماتور زاۋىتتارى كىرەدى. بايلىعى - 170 ميلليون دوللار.
ەلدار ءابدىرازاقوۆ قۇرامىنا «كوممەسك- ءومىر»، «سەنتراس كوممەسك Life»، «سەنتراس ينشۋرانس»، «سەنتراس سەكيۋريتيز»، «سەنتراس كاپيتال» «سەنتراس» ۆەنچۋرلىق قورى» كومپانيالارى كىرەتىن Centras Group حولدينگىنە يەلىك ەتەدى.
قايرات يتەمگەنوۆكە «KBI Energy» «Satti Logistics» سەرىكتەستىكتەرى، Greenhouse-Qaztomat جىلىجاي كەشەنى، ماسكەۋدەگى Mِvenpick جانە Pana قوناق ۇيلەرى، الماتىداعى Novotel Living, Ibis Style قوناق ۇيلەر جەلىسى تيەسىلى. بايلىعى - 323 ميلليون دوللار.
ەلدار سارسەنوۆ 2021 -جىلى «JP Finance Group» ج ش س-نىڭ جالعىز يەسى بولدى. اتالعان كومپانيا ارقىلى بيزنەسەن «نۇربانك» ا ق-تىڭ 87,87 پايىزىن يەلىك ەتىپ وتىر. وتباسىلىق بايلىعى - 950 ميلليون دوللار.
مارعۇلان سەيسەمبايەۆ Asadel Partners PEF Pte Ltd باسقارۋشى سەرىكتەسى. سول ارقىلى «الەل اگرو»، «Tamos Education» سىندى كومپانيالاردىڭ ۇلەسىنە يەلىك ەتەدى.
قايرات ماجيبايەۆقا رەسەي مەن قىرعىزستاندا ەنشىلەس كومپانيالارى بار «RG Brands» ا ق-نىڭ 98,05 پايىزى تيەسىلى. بايلىعى - 185 ميلليون دوللار.
باحاريدين ابلازيموۆ - «قازازوت» ج ش س ديرەكتورلار كەڭەسىنىڭ ءتوراعاسى. سونىمەن قاتار ەلىمىزدەگى ءبىرقاتار كومپانيادا ۇلەسى بار. بايلىعى - 238 ميلليون دوللار.
سەرىك تولىقپايەۆ - قۇرامىنا قۇس ەتىن ءوندىرۋ جانە قايتا وڭدەۋ، ساتۋ سالاسىندا 15-تەن استام كاسىپورىن كىرەتىن Aitas KZ كومپانيالار توبىنىڭ ماجوريتارلىق اكتسيونەرى. بايلىعى - 202 ميلليون دوللار.
فاررۋح ماحمۋدوۆ Orbis Kazakhstan كومپانيالار توبىنىڭ نەگىزىن قالاۋشى ءارى ديرەكتورلار كەڭەسىنىڭ ءتوراعاسى. توپتىڭ ەلىمىزدىڭ 12 قالاسىندا 46 اۆتوورتالىعى بار. بايلىعى - 385 ميلليون دوللار.
ەرلىك بالفانبايەۆ Alina كومپانيالار توبىنىڭ نەگىزىن قالاعان. AlinEX، Alina Paint، «ناشي»، Norma, Decorex, G- EX سىندى برەندتەر كىرەدى. بايلىعى - 165 ميلليون دوللار.
يۆان ساۋەر «رودينا» اگروفيرماسى» ج ش س-نىڭ يەسى ءارى باس ديرەكتورى. سونىمەن قاتار ول «استانا- نان»، «تاستاق»، «ا ف- وتان» ج ش س- لەرىنە يەلىك ەتەدى.
ايداربەك حودجانازاروۆ - «Alto Logistics» ج ش س يەلەرىنىڭ ءبىرى. قازىرگى ۋاقىتتا ءماجىلىس دەپۋتاتى، Respublica پارتياسىنىڭ ءتوراعاسى.
باۋىرجان وسپانوۆ «TSC Service» جانە «Koksu Hydro» ج ش س-لەرىنە يەلىك ەتەدى.
وراز جاندوسوۆ - «راكۋرس كونسالتينگ گرۋپ» جانە «Eneverse KunKuat» كومپانيالارى يەلەرىنىڭ ءبىرى. سونىمەن قاتار، ول ءبىرقاتار كومپانيانىڭ ديرەكتورلار كەڭەسىنىڭ مۇشەسى.
الەكساندر دەريگلازوۆ «مەلومان/ Marwin» ساۋدا جەلىسىنىڭ، «كومفورت» ۇيگە ارنالعان تاۋارلار گيپەرماركەت جەلىسىنىڭ جانە «ءبىرىنشى قازاقستاندىق مۋزىكالىق باسپا» ج ش س-نىڭ يەسى. بايلىعى - 87 ميلليون دوللار.
ۆلاديمير دەنيسوۆ - «Scat» اۋە كومپانياسى» ا ق پرەزيدەنتى جانە ماجوريتارلىق اكتسيونەرى. ول وسى كومپانيا ارقىلى تارازداعى اۋليە اتا حالىقارالىق اۋەجايىنا جانە وڭىرلىك اۋە رەيستەرىمەن اينالىساتىن «وڭتۇستىك اسپان» ا ق-عا باقىلاۋ جاسايدى. سونىمەن قاتار، كومپانيا مىسىردىڭ Red Sea Airlines اۋە كومپانياسىنىڭ 40 پايىز اكتسياسىنا يەلىك ەتەدى.
رۋستام قاراعويشين «قازاقستان استىق كونسورتسيۋمى» ج ش س-نىڭ باسشىسى، «Ushtobe Et» ج ش س-نىڭ يەسى. سونىمەن قاتار، «QZQ Development» ،«KTK Group» ج ش س جانە Kazakh Agro Production جەكە كومپانياسى يەلەرىنىڭ ءبىرى.
مارات سارسەنوۆ ۆاگون پاركى 10 مىڭ ۆاگون، تەمىرجول تاسىمالىمەن اينالىساتىن «يستكومترانس» ج ش س- ءنىڭ ماجوريتارلىق ۇلەسىنە يەلىك ەتەدى. بايلىعى - 105 ميلليون دوللار.
راۋشان ساعديەۆا «Vector Enterprise» جانە «FCI Management LLP» ج ش س- لەرىنە يەلىك ەتەدى.
مارات باققۇلوۆ قازاقستان مەن تاتارستاندا وندىرىستىك جەلدەتكىشتەر شىعاراتىن «الماتى جەلدەتكىش زاۋىتى» ج ش س-نە يەلىك ەتەدى.
الماس قۇدايبەرگەن - Centrasia Group كومپانياسىنىڭ نەگىزىن قالاۋشى ءارى باسقارما ءتوراعاسى. توپ قۇرامىنا قازاقستان، رەسەي، تۇركيا جانە گرۋزياداعى ءىرى مۇناي جوبالارىندا جۇمىس ىستەيتىن كومپانيا كىرەدى.
الماس چۋكين Visor ينۆەستيتسيالىق كومپانياسىنىڭ باسقارۋشى سەرىكتەسى. سونىمەن قاتار، «3 ەلەمەنت» ج ش س- نە يەلىك ەتەدى.
بۇعان دەيىن، قازاقستاندىق بيزنەس سۋ تاسقىنىنان زارداپ شەككەندەرگە قانداي كومەك بەرىپ جاتقانىن ءبىر شولىپ وتكەن ەدىك. سونداي-اق QazaqGaz سۋ تاسقىنى بولعان ايماقتارعا كومەك رەتىندە 1 ميلليارد تەڭگە، Kusto Group كومپانياسى 400 ميلليون تەڭگە بولەتىنى، «قازاقستان حالقىنا» قورى سۋ تاسقىنىنان زارداپ شەككەن 200 ءۇيدىڭ قۇرىلىسىن قارجىلاندىراتىنى حابارلاندى.
اۆتور
مارلان جيەمباي
