تاڭەرتەڭ وياتقىشپەن ويانۋ ينسۋلت پەن ينفاركت قاۋپىن ارتتىرادى
ۆيردجينيا ۋنيۆەرسيتەتىنىڭ عالىمدارى تاڭەرتەڭ دابىل قوڭىراۋىنان ويانۋ ينسۋلت، ينفاركت، سونداي-اق جۇرەك-قان تامىرلارى اۋرۋلارىنىڭ دامۋ قاۋپىن ەداۋىر ارتتىرادى دەگەن قورىتىندىعا كەلدى، - دەپ حابارلايدى Massaget.kz ءتىلشىسى.
عالىمدار 32 ادامعا زەرتتەۋ جۇرگىزگەن. ولاردىڭ قولىنا قان قىسىمىن ولشەيتىن ساعات تاعىپ، 2 كۇن بويى باقىلاعان. تاجىريبە قاتىسۋشىلارى ءبىرىنشى كۇنى دابىلسىز وزدەرى، ال ەكىنشى كۇنى دابىل قوڭىراۋىنان ويانعان.
عالىمداردىڭ ايتۋىنشا، اششى دىبىس ادامنىڭ قان قىسىمىن كوتەرەدى. سونىمەن قاتار، دابىلدان ويانعان ادامداردىڭ ءال-اۋقاتى ءوزى ويانعاندارعا قاراعاندا ناشار بولاتىنى انىقتالدى. وسىلايشا، عالىمدار دابىل پايدالى ونەرتابىس بولعانىمەن، دەنساۋلىققا زيان دەگەن قورىتىندىعا كەلدى، وسى سەبەپتى ونى مۇمكىندىگىنشە از قولدانعان ءجون.
ايتا كەتەيىك، بۇعان دەيىن نيەۆرولوگ بىلىنبەيتىن ينسۋلت بەلگىلەرىن اتاعان ەدى.
جوعارى قىسىمنىڭ فونىندا باس اۋرۋى بولۋى مۇمكىن، باس اينالۋ - بۇل قان تامىرلارى پروبلەمالارىن كورسەتە الاتىن بەلگىلەر، ءبىراق بۇل ينسۋلتتىڭ ايقىن بەلگىلەرى ەمەس. ءبىراق ەگەردە دەنەنىڭ ءبىر جارتىسىندا بۇلشىقەتتەردىڭ ۇيۋى مەن السىرەۋى، سويلەۋ قيىندىعى، بەتتەگى وزگەرىستەر بولسا - بۇل ينسۋلتتى كورسەتۋى مۇمكىن.
