تارازدا ۇلتتىق ۇلان سوتتالعانعا تەلەفون جەتكىزۋ ارەكەتىن توقتاتتى
استانا. KAZINFORM — تارازدا ۇلتتىق ۇلان اسكەري قىزمەتشىلەرى سوتتالعانعا تەلەفون جەتكىزۋ ارەكەتىنىڭ جولىن كەستى، دەپ حابارلايدى ۆەدومستۆونىڭ باسپا ءسوز قىزمەتى
تاراز قالاسىنداعى تۇزەۋ مەكەمەلەرىنىڭ بىرىندە ق ر ءى ءى م ۇلتتىق ۇلانىنىڭ اسكەري قىزمەتشىلەرى رەجيمدىك نىسان اۋماعىنا تىيىم سالىنعان زاتتاردى وتكىزۋ ارەكەتىن دەر كەزىندە توقتاتتى.
قىسقا مەرزىمدى كەزدەسۋ كەزىندە سالەمدەمەنى تەكسەرۋ بارىسىندا، جەتكىزۋ مەن كەزدەسۋلەردى باقىلاۋ بولمەسىندە (ج ك ب)، ۇلتتىق ۇلاننىڭ كەزەكشىلىكتەگى اسكەري قىزمەتشىلەرى مەن ق ا ج قىزمەتكەرلەرى بىرلەسىپ، ىلعال مايلىقتاردىڭ قاپتاماسىنان 1 ۇيالى تەلەفون مەن 2 USB زاريادتاۋ شنۋرىن تاپتى.
سالەمدەمەنى سوتتالعان ازاماتپەن كەزدەسۋگە كەلگەن تۇرعىن تاپسىرۋعا تىرىسقان.
تىيىم سالىنعان زاتتاردى وتكىزۋگە ارەكەتتەنگەن ازامات اكىمشىلىك جاۋاپكەرشىلىككە تارتىلادى. ال تاركىلەنگەن زاتتار ساراپتاماعا جىبەرىلدى.
ايتا كەتۋ كەرەك، قىلمىستىق-اتقارۋ جۇيەسى مەكەمەلەرىندە زاڭدىلىق پەن ءتارتىپتى قامتاماسىز ەتۋ - ق ر ءىىم ۇلتتىق ۇلانىنىڭ ماڭىزدى مىندەتتەرىنىڭ ءبىرى سانالادى.
وسىعان دەيىن ۇلتتىق ۇلان اسكەري قىزمەتشىلەرى س ق و- دا 200 مىڭنان استام قاپشىق دايىنداعانىن جازدىق.
