تاڭقۋرايدىڭ تاعى ءبىر پايداسى انىقتالدى

زەرتتەۋ ناتيجەلەرى Frontiers in Nutrition جۋرنالىندا جاريالاندى.

تاجىريبە بارىسىندا عالىمدار تىشقاندارعا 12 اپتا بويى مايلى تاعام بەرىپ، مەتابوليكالىق مايلى باۋىر اۋرۋىنىڭ مودەلىن جاساعان. كەيىن جانۋارلاردىڭ ءبىر بولىگىنە تاڭقۋرايدىڭ سۋ نەگىزىندەگى سىعىندىسى بەرىلدى. ناتيجەسىندە وسى توپتا باۋىردىڭ زاقىمدانۋ بەلگىلەرى ازايىپ، تىندەردەگى ماي جينالۋى تومەندەگەن جانە ليپيد الماسۋى جاقسارعان.

زەرتتەۋشىلەر بۇل اسەردى ىشەك ميكروبيوتاسىنا ىقپالىمەن بايلانىستىرادى. تاڭقۋراي سىعىندىسى پايدالى باكتەريالاردىڭ، سونىڭ ىشىندە Ileibacterium ءتۇرىنىڭ كوبەيۋىنە ىقپال ەتىپ، ىشەك توسقاۋىلىن كۇشەيتكەن. بۇل توسقاۋىل اعزاعا زياندى زاتتاردىڭ وتۋىنەن قورعايدى.

سونىمەن قاتار، تاجىريبەدە ينوزين دەڭگەيىنىڭ ارتقانى بايقالعان. بۇل-زات الماسۋعا قاتىساتىن مولەكۋلا. زەرتحانالىق جاعدايدا ول باۋىر جاسۋشالارىندا مايدىڭ جينالۋىن ازايتىپ، قابىنۋ مەن توتىعۋ سترەسسىن تومەندەتكەن.

عالىمدار ازىرگە بۇل ناتيجەلەر تەك دوكلينيكالىق دەڭگەيدە ەكەنىن اتاپ وتەدى. سوعان قاراماستان، تاڭقۋراي بولاشاقتا باۋىر ساۋلىعىن قولداۋعا ارنالعان فۋنكتسيونالدى تاعامداردىڭ نەگىزى بولۋى مۇمكىن.