تانىمال ەكى قالامگەر ماحامبەت اتىنداعى حالىقارالىق سىيلىقتىڭ يەگەرى اتاندى
اتىراۋ. KAZINFORM — اتىراۋدا قازاقستان جازۋشىلار وداعىنىڭ كوشپەلى پلەنۋمى اياسىندا تانىمال اقىن مەن ادەبيەت سىنشىسىنا داۋىلپاز اقىن ماحامبەت اتىنداعى حالىقارالىق سىيلىق بەرىلدى.
اتالعان سىيلىقتى قازاقستان جازۋشىلار وداعىنىڭ باسقارما ءتوراعاسى مەرەكە قۇلكەنوۆ ماحامبەت اتىنداعى اكادەميالىق قازاق دراما تەاترىنداعى سالتاناتتى شارادا تابىس ەتتى.
داۋىلپاز اقىن اتىنداعى حالىقارالىق سىيلىققا ەكى قالامگەر يە بولدى. سىيلىق يەگەرىنىڭ ءبىرى - اقىن، مەملەكەتتىك سىيلىقتىڭ لاۋرەاتى يرانبەك ورازبايەۆ، ەكىنشىسى - ادەبيەت سىنشىسى، قازاقستاننىڭ ەڭبەك سىڭىرگەن قايراتكەرى ءاليا بوپەجانوۆا.
ەل جادىندا رۋحتى جىرلارىمەن ساقتالعان اقىن ماحامبەت اتىنداعى حالىقارالىق سىيلىقتىڭ 2 ميلليون تەڭگە كولەمىندەگى قارجىسى بار.
ەسكە سالا كەتەلىك، بۇدان بۇرىن كومپوزيتور يليا جاقانوۆ قازاقستاننىڭ قۇرمەتتى جازۋشىسى اتانعانىن حابارلاعان ەدىك.
