تانىمال بوكسشى مايك تايسون قازاقستاندا جەكپە-جەك وتكىزۋى مۇمكىن
استانا. KAZINFORM - بوكستان اۋىر سالماقتاعى بۇرىنعى ابسوليۋتتى الەم چەمپيونى، اتى اڭىزعا اينالعان امەريكالىق مايك تايسون قازاقستاندا جەكپە-جەك وتكىزۋى مۇمكىن، دەپ حابارلايدى Kazinform Sportnews.kz سايتىنا سىلتەمە جاساپ.
شوۋدى ۇيىمداستىرۋشىلار م م ا ۇيىمىنداعى ايگىلى فايتەر فەدور ەمەليانەنكونى قازاقستانعا «تەمىر مايكقا» قارسىلاس رەتىندە شاقىرۋدى جوسپارلاپ وتىر.
- ءبىزدىڭ جوسپارلارىمىزعا مايك تايسون مەن فەدور ەمەليانەنكونىڭ جەكپە- جەگىن ۇيىمداستىرۋ كىرەدى. بۇل باعىتتاعى جۇمىستار قازىردىڭ وزىندە قىزۋ ءجۇرىپ جاتىر. مايك تايسوندى شاقىرعىمىز كەلەتىن تۋرنيردى جەلتوقسان ايىنا جوسپارلاپ وتىرمىز، - دەدى استانادا وتكەن باسپا ءسوز ءماسليحاتىندا Alash Pride ليگاسىنىڭ پرەزيدەنتى ءالىمجان بەكتايەۆ.
مايك تايسونىڭ سپورتتىق مانسابىندا 50 جەڭىس (44 نوكاۋتپەن) جانە 7 جەڭىلىس بار. بىلتىر ول قارسىلاسى دجەيك پولدان ءبىراۋىزدان جەڭىلىپ قالعان بولاتىن.
