تالگو پويىزدارىنىڭ اسحاناسى نەگە قىمبات

كولىك ءمينيسترى مارات قارابايەۆ ۇكىمەت وتىرىسىنان كەيىن وتكەن بريفينگىدە «تالگو» پويىزدارىنىڭ اسحاناسى نەگە قىمبات ەكەنىن ءتۇسىندىردى، دەپ حابارلايدى Kazinform.

«تالگو» پويىزدارىنداعى اسحانانىڭ باعاسى وتە قىمبات. 4-5 مىڭ تەڭگەگە عانا تاماقتانۋعا بولادى. نەلىكتەن سولاي؟ ونى ءتۇسىرۋدىڭ مۇمكىندىكتەرى بار ما؟»، - دەپ سۇرادى جۋرناليست.

ءمينيستردىڭ سوزىنشە، مەملەكەت بۇل باعانى رەتتەمەيدى.

«ەندى ول جەكە نارىقتاعى ماسەلە. ونىڭ نارىعى جالپى قاداعالاۋعا جاتپايدى. ونىڭ ۇستىنە تاعى دا قاراۋ كەرەك. جولاۋشىلاردى تاسىمالداۋعا قاتىساتىن 30 دان استام وپەراتور بار. ياعني، تەك «قازاقستان تەمىر جولىنا» عانا بايلانىستى ەمەس، قىزمەت اتقارىپ جاتقان جەكە كاسىپكەرلەر دە بار. سولاردىڭ ءوزىنىڭ ءىس-شاراسى. ونىڭ باعاسى ەشقاشان باقىلاۋعا جاتقان ەمەس. ونىڭ باعاسىن باقىلاپ جۇرگەن جوقپىز»، - دەدى مارات قارابايەۆ.

اۆتور

ەسىمجان ناقتىباي