تالعارداعى وقيعا: ورتەنگەن ءۇيدىڭ سىرتىنان رەزەڭكە قولعاپ پەن كانيستر تابىلدى

قونايەۆ. قازاقپارات – 12-قازان تۇندە قارا جامىلعان وتباسىنىڭ ءۇيى ورتەنىپ كەتتى. ءورت سىرتتان باستالدى. بۇل تۋرالى باسپا ءسوز ءماسليحاتىندا الماتى وبلىسىنىڭ پروكۋرورى بەرىك اداموۆ ايتتى.

«ءورت بولعان جەردەن دالەلدەر جينالدى. 600 دەن استام ادام سۇرالدى. وقيعانىڭ قالاي بولعانىن ناقتى انىقتاۋ ءۇشىن بىرنەشە ساراپتاما تاعايىندالدى. ماماندار ءورتتىڭ ءۇيدىڭ سىرتىنان باستالعانىن، وقىس جاعداي ەمەس ەكەنىن جانە وت سىرتتان قويىلعانىن ايتتى. وقيعا ورنىنان رەزىڭكە قولعاپ پەن كانيسترعا زەرتتەۋلەر جۇرگىزىلىپ جاتىر»، - دەدى پروكۋرور.

ەسكە سالايىق، 4-قازاندا تالعار قالاسىنداعى توبەلەستەن ءبىر ادام قايتىس بولعانىن جازعانبىز.

اشۋلى تالعارلىقتار جاس ءوسپىرىم ولىمىنە بايلانىستى نارازىلىققا شىقتى.

الماتى وبلىسىنىڭ پروكۋراتۋراسى كىسى ءولتىرۋ تۋرالى بۇل ءىس ەرەكشە باقىلاۋعا الىنعانىن رەسمي تۇردە حابارلادى.

ىشكى ىستەر ءمينيسترى ەرجان سادەنوۆ الماتى وبلىسى تالعار اۋدانىنداعى جاس ءوسپىرىمنىڭ ولىمىنە قاتىستى ءىستى جەكە باقىلاۋىنا الدى.