تالعارعا جاڭا اكىم قاشان سايلانادى

قونايەۆ. KAZINFORM - الماتى وبلىسىنا قاراستى تالعار قالاسىنا جاڭا اكىم سايلانادى.

ق ر ورتالىق سايلاۋ كوميسسياسىنىڭ مالىمەتىنشە، الماتى وبلىسى تالعار اۋدانىنىڭ اۋماقتىق سايلاۋ كوميسسياسى قالا اكىمىنىڭ سايلاۋ كۇنىن 15-جەلتوقسانعا بەلگىلەدى.

وسىعان دەيىن تالعار قالاسىنىڭ اكىمى باحىت قۋاتبەك ۇلى كۇرىشبەكوۆ، تالعار قالاسى اكىمىنىڭ ورىنباسارى ماتان ساعىندىق ءوز مىندەتتەرىن ءتيىستى دەڭگەيدە اتقارماعانى ءۇشىن لاۋازىمدارىنان بوساتىلعانى تۋرالى جازعان ەدىك.

ەسكە سالايىق، 4-قازاندا تالعار قالاسىنداعى توبەلەستەن ءبىر ادام مەرت بولدى.

اشۋلى تالعارلىقتار ءجاسوسپىرىم ولىمىنە بايلانىستى نارازىلىققا شىقتى.

ارتىنشا، تالعار اۋدانى اكىمى اپپاراتىنىڭ باسشىسى اسلان قاسىمبايەۆ قىزمەتىنەن قۋىلدى. ال، تالعار اۋدانىنىڭ اكىمى تانات ەسەنكەلدى ۇلى ايداربەكوۆ جانە ونىڭ ورىنباسارى ايبەك دۇيسەمبەك ۇلى بيدايەۆ «سوگىس» الدى.