تاجىكستان مەن قىتاي تەمىرجول سالۋدى جوسپارلاپ وتىر
استانا. KAZINFORM -جالپى ۇزىندىعى 171 ك م بولاتىن «سپيتامەن - يستاراۆشان» جانە «سپيتامەن - يستيكلول» تەمىرجولىنىڭ قۇرىلىسىن سوعدى وبلىسىنىڭ ءتوراعاسى رادجاببوي احمادزودا جانە بەيجىڭ عىلىمي-تەحنيكالىق جانە زەرتتەۋ ينستيتۋتىنىڭ پرەزيدەنتى چەن حە باستاعان قىتايلىق ماماندار توبى تالقىلادى، دەپ جازادى حوۆار اگەنتتىگى.
اتالعان باعىتتار بويىنشا تەمىرجول قۇرىلىسى تاجىكستان ەكونوميكاسى ءۇشىن ۇلكەن ماڭىزعا يە ەكەندىگى اتالىپ ءوتتى. ەگەر تەمىرجول سالىنىپ، پايدالانۋعا بەرىلسفياياياە، بۇل ەكونوميكانىڭ دامۋىنا ىقپال ەتەدى.
كولىك جانە بايلانىس تاجىكستان مەن قىتاي اراسىنداعى قارىم-قاتىناستىڭ باسىم باعىتتارىنىڭ ءبىرى سانالادى، ءبىرقاتار ماڭىزدى جوبالار ىسكە اسىرىلدى.
تاراپتار الدىمەن ماماندار، ينجەنەرلەر مەن ديزاينەرلەر زەرتتەۋ جۇرگىزەدى، سودان كەيىن تەمىرجول سالۋ تۋرالى شەشىم قابىلدانادى دەگەن كەلىسىمگە كەلدى.
