ت ج م ءورت سوندىرەتىن درونداردى قانشاعا ساتىپ الماقشى

استانا. KAZINFORM - توتەنشە جاعدايلار ءمينيسترى شىڭعىس ءارىنوۆ ءورت سوندىرەتىن درونداردى قانشاعا ساتىپ الاتىنىن ايتتى.

«ول دروندار نەگىزى قىتايلىق تەحنولوگيامەن قۇراستىرىلادى. ءبىز ساتىپ الاتىن دروندى ءوزىمىزدىڭ قازاقستاندىق فيرما قۇراستىرادى. ءبىر دروننىڭ قۇنى 120 ميلليون تەڭگەنىڭ توڭىرەگىندە بولادى. ونىڭ قانداي ەرەكشەلىگى بار؟ 150 مەترگە دەيىنگى بيىككە كوتەرىلىپ، ءورت سوندىرە الادى. بىزدە بار ءورت سوندىرەتىن كولىكتىڭ كەز كەلگەنىنەن جالعانىپ، قانشا ۋاقىت قاجەت بولسا، سونشا مەرزىم بويى ءورت ءسوندىرۋ جۇمىستارىن اتقارا الادى»، - دەدى ول.

پيلوتتىق جوبا ءساتتى ىسكە اسسا كەيىن استانادا باسقا قالالارعا دا تاراتىلۋى مۇمكىن.

«ءبىز ءۇشىن بۇل ءبىرىنشى تاجىريبە. ءارى قاراي استانادان بولەك الماتى سياقتى بيىك عيماراتتارى بار قالالارعا وسى تاجىريبەنى تاراتامىز دەپ ويلايمىز. بۇل دا الەمدىك تاجىريبە»، - دەدى شىڭعىس ءارىنوۆ.

بۇعان دەيىن ت ج م ءزاۋلىم عيماراتتاردا ءورت سوندىرەتىن دروندار ساتىپ الاتىنىن جازعان ەدىك.