سينوپتيكتەر قازاقستاننىڭ باسىم بولىگىندە اۋا رايىنا بايلانىستى ەسكەرتۋ جاريالادى

استانا. KAZINFORM - سينوپتيكتەر رەسپۋبليكانىڭ 12 وبلىسىندا كۇن رايىنا بايلانىستى ەسكەرتۋ جاريالادى.

26-ساۋىردە تۇندە ۇلىتاۋ وبلىسىنىڭ باتىسىندا، شىعىسىندا جانە وڭتۇستىگىندە نايزاعاي جارقىلدايدى. شىعىستان جەل سوعىپ، كۇندىز وبلىستىڭ شىعىسىندا ەكپىنى 15-20 م/س دەيىن جەتەدى. تۇندە وبلىستىڭ شىعىسىندا 2 گرادۋس اياز بولادى.

قاراعاندى وبلىسىندا سولتۇستىك- شىعىستان، شىعىستان جەل سوعىپ، وڭتۇستىگىندە ەكپىنى 15-20 م/س دەيىن جەتەدى.

تۇندە جەتىسۋ وبلىسىنىڭ تاۋلى اۋداندارىندا قاتتى جاۋىن-شاشىن (جاڭبىر، قار) بولادى. وبلىستىڭ وڭتۇستىگىندە، شىعىسىندا، تاۋلى ايماقتارىندا نايزاعاي ويناپ، بۇرشاق جاۋىپ، داۋىل سوعۋى ىقتيمال.

شىعىستا، وڭتۇستىكتە، وبلىس ورتالىعىندا سولتۇستىك-شىعىستان جەل سوعىپ، ەكپىنى 15-20 م/س، الاكول كولدەرى ماڭىندا كەي جەرلەردە 23-28 م/س دەيىن جەتەدى.

تالدىقورعاندا 26-ساۋىردە كۇندىز سولتۇستىك- شىعىستان 15-20 م/س جىلدامدىقپەن جەل سوعادى.

قىزىلوردا وبلىسىنىڭ ورتالىعىندا تۇندە جانە تاڭەرتەڭ شىعىستا نايزاعاي ويناپ، داۋىل سوعادى. سولتۇستىك- شىعىستان جەل سوعىپ، وبلىستىڭ سولتۇستىك، شىعىس، ورتالىعىندا ەكپىنى 15-20 م/س بولادى. وبلىس ورتالىعىندا، شىعىسىندا جانە باتىسىندا ءورت قاۋپى ساقتالىپ وتىر.

قىزىلوردا قالاسىندا 26-ساۋىردە سولتۇستىك- شىعىستان جەل تۇرىپ، كۇندىز ەكپىنى 15-20 م/س جەتۋى ىقيمال. ءورت شىعۋ قاۋپى ءالى دە جوعارى.

26-ساۋىردە الماتى وبلىسىنىڭ وڭتۇستىگىندە تۇندە جانە تاڭەرتەڭ قاتتى جاڭبىر، وبلىستىڭ تاۋلى اۋداندارىندا قاتتى جاۋىن- شاشىن (جاڭبىر، قار) بولادى. وبلىستىڭ سولتۇستىگىندە، وڭتۇستىگىندە، تاۋلى ايماقتارىندا نايزاعاي ويناپ، بۇرشاق جاۋادى، داۋىل سوعادى. سولتۇستىك- باتىستان جەل سوعىپ، سولتۇستىكتە، وڭتۇستىكتە، وبلىستىڭ تاۋلى ايماقتارىندا ەكپىنى 15-20، كەي جەرلەردە 23-28 م/س دەيىن كۇشەيەدى.

الماتىدا 26-ساۋىردە تۇندە جانە تاڭەرتەڭ قاتتى جاڭبىر جاۋادى. كەي كەزدەرى نايزاعاي ويناۋى ىقتيمال. سولتۇستىك- باتىستان جەل سوعىپ، نايزاعاي كەزىندە ەكپىنى 15-20 م/س دەيىن جەتەدى.

قونايەۆ قالاسىندا 26-ساۋىردە تۇندە جانە تاڭەرتەڭ نايزاعاي جارقىلدايدى. سولتۇستىك- باتىستان جەل سوعىپ، نايزاعاي كەزىندە 15-20 م/س، ەكپىنى 25 م/س دەيىن جەتەدى.

اقمولا وبلىسىنىڭ باتىسىندا، وڭتۇستىگىندە، شىعىسىندا شىعىستان سوعاتىن جەلدىڭ ەكپىنى - 15-20 م/س.

ماڭعىستاۋ وبلىسىنىڭ باسىم بولىگىندە ءورت شىعۋ قاۋپى ءالى دە جوعارى.

اتىراۋ وبلىسىنىڭ باتىسىندا تۇندە جانە تاڭەرتەڭ تۇمان تۇسەدى.

اقتوبە وبلىسىندا شىعىستان، سولتۇستىك- شىعىستان جەل سوعىپ، وڭتۇستىكتە، وبلىستىڭ وڭتۇستىگىندە، شىعىسىندا كۇندىز ەكپىنى 16 م/س دەيىن جەتەدى.

26-ساۋىردە اباي اۋدانىنىڭ سولتۇستىك، شىعىس، وبلىس ورتالىعىندا سولتۇستىك- شىعىستان سوعاتىن جەلدىڭ جىلدامدىعى سەكۋندىنا 15-20 مەترگە دەيىن جەتەدى، كۇندىز ەكپىنى 23 م/س. سول كۇنى سەمەيدە سولتۇستىك- شىعىستان سوعاتىن جەلدىڭ ەكپىنى كۇندىز 15-18 م/س دەيىن جەتۋى ىقتيمال.

شىعىس قازاقستان وبلىسىندا تاڭەرتەڭ جانە كۇندىز سولتۇستىكتە، وڭتۇستىكتە، وبلىس ورتالىعىندا سولتۇستىك- شىعىستان سوعاتىن جەلدىڭ كۇشى 15-20 م/س دەيىن جەتەدى. وسكەمەندە 26 ءساۋىر كۇنى سولتۇستىكتەن، كۇندىز سولتۇستىك- شىعىستان ەكپىنى 15-18 م/س جەل سوعادى دەپ بولجانىپ وتىر.

26-ساۋىردە تۇركىستان وبلىسىنىڭ تاۋلى ايماقتارىندا قاتتى جاڭبىر، بۇرشاق جاۋۋى مۇمكىن. وبلىستىڭ سولتۇستىك، باتىس، وڭتۇستىك، تاۋلى جانە تاۋ بوكتەرىندەگى اۋداندارىندا كەي كەزدەرى نايزاعاي ويناپ، داۋىل سوعادى. شىمكەنتتە 26-ساۋىردە كەي جەرلەردە نايزاعاي ويناپ، داۋىل سوعادى. سولتۇستىك- باتىستان جەل سوعىپ، نايزاعاي كەزىندە باعىتىن سولتۇستىك- شىعىسقا اۋىستىرادى، ەكپىنى 15-20 م/س.

تۇركىستان قالاسىندا 26-ساۋىردە كەي جەرلەردە نايزاعاي ويناپ، داۋىل سوعادى. سولتۇستىك- باتىستان جەل تۇرىپ، نايزاعاي كەزىندە باعىتى سولتۇستىك- شىعىسقا اۋىسادى، ەكپىنى 15-20 م/س.