سينوپتيكتەر ەلدىڭ 18 وڭىرىندە ەسكەرتۋ جاريالادى

«قازگيدرومەت» ر م ك كۇن رايىنىڭ بۇزىلۋىنا بايلانىستى ءبىرقاتار وڭىردە ەسكەرتۋ جاريالادى، دەپ حابارلايدى kazinform.

24-25- جەلتوقساندا الماتى وبلىسىنىڭ سولتۇستىگىندە، وڭتۇستىگى مەن تاۋلى اۋداندارىندا كەي ۋاقىتتا تۇمان كۇتىلەدى.

كۇندىز اقمولا وبلىسىنىڭ باتىسى مەن سولتۇستىگىندە - كوكتايعاق، تۇندە جانە تاڭەرتەڭ سولتۇستىگى مەن شىعىسىندا تۇمان بولجانادى. جولداردا كوكتايعاق بولادى.

اتىراۋ وبلىسىنىڭ باسىم بولىگىندە - تۇمان، سولتۇستىگى مەن شىعىسىندا كوكتايعاق كۇتىلەدى.

جەتىسۋ وبلىسىنىڭ الاكول كولدەرى اۋدانىندا وڭتۇستىك-شىعىستان جەل سوعادى، كۇندىز ەكپىنى 25 م/س دەيىن جەتۋى ىقتيمال.

كۇندىز باتىس قازاقستان وبلىسىنىڭ سولتۇستىگى مەن شىعىسىندا قاتتى جاۋىن-شاشىن (جاڭبىر، قار) كۇتىلەدى. ءوڭىردىڭ باتىسىندا، سولتۇستىگىندە تۇمان، كوكتايعاق بولادى. وڭتۇستىك- شىعىستان، وڭتۇستىكتەن جەل سوعادى، كۇندىز وبلىستىڭ باتىسىندا ەكپىنى 15-20 م/س قۇرايدى.

قىزىلوردا وبلىسىنىڭ ورتالىعىندا - تۇمان، كۇندىز ءوڭىردىڭ شىعىسىندا 15-20 م/س ەكپىندە جەل بولادى.

ماڭعىستاۋ وبلىسىنىڭ باتىسىندا، سولتۇستىگى مەن ورتالىعىندا تۇمان كۇتىلەدى. وڭتۇستىك- شىعىستان سوعاتىن جەل سولتۇستىك- باتىسقا اۋىسىپ، تۇندە وبلىستىڭ وڭتۇستىگى مەن باتىسىندا ەكپىنى 15-20 م/س قۇرايدى.

تۇندە سولتۇستىك قازاقستان وبلىسىنىڭ باتىسىندا، كۇندىز وڭتۇستىگى مەن شىعىسىندا كوكتايعاق بولجانادى. ءوڭىردىڭ سولتۇستىگى مەن شىعىسىندا - تۇمان، باسىم بولىگىندە جولداردا كوكتايعاق كۇتىلەدى.

تۇندە جانە تاڭەرتەڭ ۇلىتاۋ وبلىسىنىڭ سولتۇستىگىندە تۇماندى بولادى. وڭتۇستىك، وڭتۇستىك- شىعىستان جەل سوعادى، كۇندىز ءوڭىردىڭ سولتۇستىگى مەن شىعىسىندا ەكپىنى 18 م/س قۇرايدى.

كۇندىز اقتوبە وبلىسىنىڭ باتىسى مەن سولتۇستىگىندە كوكتايعاق، باتىسى مەن وڭتۇستىگىندە تۇمان كۇتىلەدى.

اباي وبلىسىنىڭ سولتۇستىگى مەن ورتالىعىندا جاياۋ بۇرقاسىن سوعىپ، جەلدىڭ كۇشى 23 م/س جەتۋى ىقتيمال.

شىعىس قازاقستان وبلىسىنىڭ باتىسى مەن ورتالىعىندا جاياۋ بۇرقاسىن سوعىپ، جەلدىڭ كۇشى 15-20 م/س قۇرايدى.

تۇندە جانە تاڭەرتەڭ قاراعاندى وبلىسىنىڭ سولتۇستىگى مەن شىعىسىندا تۇمان كۇتىلەدى.

قوستاناي وبلىسىنىڭ سولتۇستىگىندە، باتىسى مەن شىعىسىندا كوكتايعاق، سولتۇستىگى مەن شىعىسىندا تۇمان بولجانادى.

تاڭەرتەڭ جانە كۇندىز تۇركىستان وبلىسىنىڭ سولتۇستىگىندە، باتىسىندا، تاۋلى جانە تاۋ بوكتەرلى اۋداندارىندا وڭتۇستىكتەن، وڭتۇستىك- باتىستان جەل سوعادى، كۇشى 15-20 م/س قۇرايدى.

شىمكەنت قالاسىندا تاڭەرتەڭ جانە كۇندىز وڭتۇستىكتەن، وڭتۇستىك- باتىستان جەل سوعادى، ەكپىنى 15-20 م/س قۇرايدى.

تۇندە جانە تاڭەرتەڭ پاۆلودار وبلىسىنىڭ باتىسىندا، سولتۇستىگىندە تۇمان بولادى.

تۇندە جامبىل وبلىسىنىڭ باتىسىندا، كۇندىز تاۋلى اۋداندارىندا قاتتى جاۋىن- شاشىن (جاڭبىر، قار)، كوكتايعاق كۇتىلەدى. 24-26- جەلتوقساندا وبلىستىڭ وڭتۇستىگىندە، تاۋلى اۋداندارىندا - تۇمان، 25-26 جەلتوقساندا 23-28 م/س ەكپىندە جەل بولجانادى.