سوت زالىنان ايىپتالۋشىلاردىڭ ۆيدەوسى تاراپ كەتتى: تەكسەرىس ءجۇرىپ جاتىر

الماتى. KAZINFORM - جەتىسۋ وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ عيماراتىندا شەرزات پولاتتىڭ ولىمىنە بايلانىستى كەزەكتى سوت وتىرىسى ءوتىپ جاتىر.

ايىپتالۋشى تاراپتىڭ تۋىستارى سوت زالىنان سوتتالۋشىلاردىڭ ۆيدەوسى الەۋمەتتىك جەلىدە تاراپ جاتقانىن ايتىپ، شاعىمداندى. ونىڭ ىشىندە كامەلەتكە تولماعان بالا دا بار ەكەنىن جەتكىزدى.

- بۇل بويىنشا سوت تەكسەرۋ جۇرگىزىلىپ جاتىر. ونىڭ ناتيجەسى قوسىمشا حابارلاناتىن بولادى، - دەدى سۋديا ەرجان جانۇزاقوۆ.

ايتا كەتەيىك، ايىپتالۋشىلار ورىندىعىندا توعىز ادام بار، ولاردىڭ ءبىرى كامەلەتكە تولماعان.

بۇرىن سوتتا شەرزاتتىڭ اعاسى نۇرقانات عايىپبايەۆتىڭ تەرگەۋ كەزىندەگى بەينەجازباسى كورسەتىلدى.

سونىمەن قاتار وقيعا ورنىنا العاش بارعان پوليتسەيلەر كۋالىك بەردى.

وعان دەيىن سوت وتىرىسىندا كۋاگەر ەلميرا نۇربەكوۆا جاۋاپ بەردى.

ەكىنشى كۋاگەر قىز دانا جاقسىگەلدى وقيعا تۋرالى باياندادى.

سوتتا شەرزاتتىڭ اكەسى قارجاۋباي نۇرىموۆ ول كيكىلجىڭ قالاي باستالعانىن ايتقان ەدى.

ەسكە سالايىق، پروكۋرور وقيعانىڭ تولىق حرونولوگياسىن باياندادى.

ايىپتالۋشىلاردىڭ كوپشىلىگى كىنانى مويىنداعان جوق.

بىلتىر 4-قازان كۇنى توبەلەستەن 16 جاستاعى جاس ءوسپىرىم قايتىس بولعانىن جازعان ەدىك.

2024 -جىلدىڭ 12-قازانىندا قارا جامىلعان وتباسىنىڭ ءۇيى ورتەنىپ كەتتى. الماتى وبلىسىنىڭ پوليتسيا دەپارتامەنتى بوتەننىڭ مۇلكىن قاساقانا جويۋ فاكتىسى بويىنشا ءىس قوزعادى.

2024 -جىلدىڭ جەلتوقسان ايىندا تالعار ماڭىندا شەرزات پولاتتىڭ اعاسىنىڭ دەنەسى تابىلدى.

اۆتور

الما مۇقانوۆا