سولتۇستىك قازاقستانداعى شارۋاشىلىقتا 60 قا جۋىق ءىرى قارادان برۋتسەللەز انىقتالدى
پەتروپاۆل. KAZINFORM - سولتۇستىك قازاقستان وبلىسى ايىرتاۋ اۋدانى «گۋساكوۆكا» جشس- دە 57 باس ءىرى قارادان برۋتسەللەز اۋرۋى انىقتالدى.
س ق و ۆەتەريناريا باسقارماسىنىڭ مالىمەتىنشە، وڭىردە 10-ءساۋىر مەن 7-ماۋسىم ارالىعىندا ۆەتەرينارلىق ءىس- شارالار جۇرگىزىلگەن. سونىڭ ناتيجەسىندە «گۋساكوۆكا» ج ش س- دەگى سيىرلاردان اۋرۋ انىقتالدى.
ۆەتەرينارلىق تالاپتارعا سايكەس 57 ءىرى قارا مالدىڭ 15 كۇن ىشىندە كوزى جويىلۋى ءتيىس. ال شارۋاشىلىققا برۋتسەللەزگە قاتىستى شەكتەۋ شارالارى ەنگىزىلدى.
«ساۋىقتىرۋ ءىس- شارالارى اياسىندا رەسپۋبليكالىق ەپيزووتياعا قارسى جاساق ءاربىر 15-20 كۇن سايىن ءىرى قارا مالدى برۋتسەللەزگە تەكسەرىپ وتىرادى. سونداي-اق ءارى قاراي تارالماۋى ءۇشىن ءۇي-جايلاردى زارارسىزداندىرادى. شەكتەۋ رەجيمى ەنگىزىلگەن جاعدايدا مال ونىمدەرىن شىعارۋعا ۋاقىتشا تىيىم سالىنادى. شەكتەۋ شاراسى ءۇي-جايلار تولىق دەزينفەكسيادان وتكەن سوڭ جانە قاتارىنان ەكى رەت تەرىس ناتيجە بەرگەن جاعدايدا الىنادى»، - دەلىنگەن باسپا ءسوز حابارلاماسىندا.
«گۋساكوۆكا» ج ش س- دە 460 باس ءىرى قارا مال بار.
بۇعان دەيىن س ق و- دا مامىر ايىندا 52 ءىرى قارا مالدان برۋتسەللەز اۋرۋى انىقتالعانىن جازعان ەدىك.
