سولتۇستىك قازاقستاندا تۇماۋعا جاتپايتىن ۆيرۋستاردىڭ جەتى ءتۇرى تاراپ جاتىر

پەتروپاۆل. KAZINFORM - سولتۇستىك قازاقستان وبلىسىندا ءبىر اپتادا ءجىتى رەسپيراتورلىق ۆيرۋستى ينفەكسيانى جۇقتىرعاندار سانى %22 ءوستى.

س ق و سانيتاريالىق- ەپيدەميولوگيالىق باقىلاۋ دەپارتامەنتىنىڭ مالىمەتىنشە، ەپيدەميالىق ماۋسىم باستالعالى ج ر ۆ ي-مەن 67 مىڭعا جۋىق ادام اۋىردى. بۇل وتكەن جىلدىڭ سايكەس كەزەڭىمەن سالىستىرعاندا %20 تومەن، دەسەك تە سوڭعى اپتادا سىرقاتتانعاندار سانى ارتىپ، 3,5 مىڭ ادام دارىگەردىڭ كومەگىنە جۇگىندى.

وبلىستا تۇماۋعا جاتپايتىن ۆيرۋستار دا كوپ تارالعان. ماسەلەن رينوۆيرۋستى جۇقتىرۋدىڭ 32 جاعدايى، ادەنوۆيرۋستارمەن اۋىرۋدىڭ - 22، پاراگريپپتى جۇقتىرۋدىڭ - 12، باسقا كوروناۆيرۋستار - 11، مەتاپنيەۆموۆيرۋستار - 5، رەسپيراتورلىق سينسيتيالدى ۆيرۋستاردى جۇقتىرۋدىڭ 5 جاعدايى جانە 3 ادامدا بوكاۆيرۋستار انىقتالعان.

وڭىردە تۇماۋدى جۇقتىرعاندار سانى دا ارتىپ كەلەدى. وسىنداي 92 جاعداي تىركەلدى، ونىڭ ىشىندە ا ءتيپتى تۇماۋ نەمەسە «شوشقا» تۇماۋىمەن 79 ادام، ماۋسىمدىق H1N1 ۆيرۋسىمەن 4 ادام،  H3N2 مەن 3 جانە B ءتيپتى تۇماۋمەن 6 ادام سىرقاتتاندى. تۇماۋمەن اۋىرعانداردىڭ 32 سى - 14 جاسقا دەيىنگى بالالار، تاعى 4 جاعداي جۇكتى ايەلدەر اراسىندا تىركەلدى. ناۋقاستار تۇماۋعا قارسى ەكپە الماعان ەكەن.

بۇعان دەيىن س ق و-عا تاسقىنمەن كۇرەسكە العاشقى كومەك كەلىپ جەتكەنىن جازدىق.

اۆتور

اقەركە داۋرەنبەك قىزى