سولتۇستىك قازاقستاندا قار جاۋىپ، بوران سوعىپ تۇر
پەتروپاۆل. KAZINFORM - سولتۇستىك قازاقستان وبلىسىندا كۇن سۋىتتى. تۇنىمەن جاۋعان قاردىڭ ارتى بورانعا ۇلاستى. سينوپتيكتەر مۇنداي اۋا رايى ءالى ءبىر- ەكى كۇن ساقتالاتىنىن ايتادى.
«قازگيدرومەت» ر م ك س ق و فيليالى 9-قازاننان بەرى قار، بوران، كوكتايعاق جايلى ەسكەرتىپ جاتىر. قازىرگى ۋاقىتتا وبلىس باتىس سيكلونىنىڭ اسەرىندە. مۇنداي قولايسىز اۋا رايى ەرتەڭ دە ساقتالادى.
بولجام بويىنشا بۇگىن ءوڭىردىڭ باتىس، سولتۇستىك جانە شىعىسىندا جاڭبىر، قار جاۋادى. سولتۇستىك شىعىستان سوققان جەلدىڭ ەكپىنى 15-20 م/س، كەيدە 23-28 م/س دەيىن جەتپەك. ال وبلىستىڭ سولتۇستىگى مەن شىعىسىندا داۋىل تۇرىپ، ەكپىنى 30 م/س جەتەدى.
تۇندە اۋا تەمپەراتۋراسى 5- گرادۋسقا دەيىن تومەندەسە، كۇندىز 2-3+ ارالىعىندا بولماق. ەرتەڭ 12-قازاندا دا وبلىستىڭ سولتۇستىگى، شىعىسى مەن وڭتۇستىگىندە قار جاۋىپ، بوران ساقتالادى. كوكتايعاق بولماق. تۇندە اۋا تەمپەراتۋراسى 2-،7- گرادۋس ارالىعىندا، كۇندىز 5- گرادۋسقا دەيىن سۋىتادى.
ءبىر تۇندە جاۋعان جاۋىن-شاشىن مولشەرى 3،2 م م دەيىن جەتتى. م. جۇمابايەۆ اۋدانىنىڭ ۆوزۆىشەنكا، ەسىل اۋدانىنىڭ ياۆلەنكا مەتەورولوگيالىق ستانساسىندا مۇزدى جاۋىن جاۋدى. جالپى، قازان ايىنداعى جاۋىن-شاشىننىڭ ورتاشا نورماسى - 22-40 م م.
بۇعان دەيىن ەلىمىزدىڭ باسىم بولىگىندە كۇننىڭ بۇزىلاتىنىن جازعان ەدىك.
اۆتور
اقەركە داۋرەنبەك قىزى
