سولتۇستىك قازاقستاندا مەكتەپ وقۋشىسى سىنىپتاسىنا پىشاق سۇعىپ الدى

پەتروپاۆل. KAZINFORM - سولتۇستىك قازاقستان وبلىسى تيميريازيەۆ اۋدانىندا مەكتەپ وقۋشىسى سىنىپتاسىنا پىشاق سۇعىپ الدى. وسى دەرەك بويىنشا قىلمىستىق ءىس قوزعالدى.

س ق و دەنساۋلىق ساقتاۋ باسقارماسىنىڭ مالىمەتىنشە، بۇگىن تيميريازيەۆ اۋداندىق اۋرۋحاناسىنا پىشاق جاراقاتىمەن 2009-جىلعى جاس ءوسپىرىم ءتۇستى.

«وڭ جاق يىعىنان جاراقات العان. قازىر اۋداندىق اۋرۋحانادا جاتىر. جاراسىن تىكتى. قازىر جاعدايى تۇراقتى»، - دەدى باسپا ءسوز حاتشىسى گۇلنار قاليەۆا.

وبلىستىق پوليتسيا دەپارتامەنتى باسپا ءسوز قىزمەتى ءمالىم ەتكەندەي، وسى قىلمىسقا قاتىسى بار كۇدىكتى انىقتالدى.

قاجەتتى تەرگەۋ ارەكەتتەرى جۇرگىزىلگەننەن كەيىن اتا-اناسىنىڭ كەپىلگەرلىگىمەن بوساتىلدى. وسى فاكتى بويىنشا قىلمىستىق ءىس قوزعالدى. تەرگەۋ جۇرگىزىلىپ جاتىر.

«قۇقىق بۇزۋشىنىڭ جاسىن ەسكەرە وتىرىپ، پوليتسيا قىزمەتكەرلەرى اتا-اناسىن بالا تاربيەسى جونىندەگى مىندەتتەرىن ورىنداماعانى ءۇشىن جاۋاپكەرشىلىككە تارتۋ بويىنشا جۇمىس جۇرگىزىپ جاتىر. جاس ءوسپىرىم پروفيلاكتيكالىق ەسەپكە الىنادى. سونداي-اق، اۋدان اكىمدىگى جانىنداعى كامەلەتكە تولماعاندار جونىندەگى كوميسسياعا ءتيىستى ۇسىنىس ەنگىزىلدى»، - دەلىنگەن باسپا ءسوز حابارلاماسىندا.

بۇعان دەيىن س ق و- دا زەينەتكەر جاس ءوسپىرىم قىزبەن جىنىستىق قاتىناسقا تۇسكەنى ءۇشىن 13,5 جىلعا سوتتالعانىن جازعان ەدىك.