سولتۇستىك قازاقستاندا ەكونوميكالىق سوتىنىڭ ءتوراعاسى قىلمىس ۇستىندە ۇستالدى — جوعارعى سوت
استانا. KAZINFORM — ول 15 مىڭ ا ق ش دوللارى سوماسىندا پارا الۋ كەزىندە ۇستالىپ قالعان. بۇل تۋرالى جوعارعى سوتتىڭ باسپا ءسوز قىزمەتى ءمالىم ەتتى.
- بۇگىن، 2024-جىلعى 19-جەلتوقساندا ۇلتتىق قاۋىپسىزدىك كوميتەتى مەن ق ر سوت اكىمشىلىگىنىڭ پەتروپاۆل قالاسى بويىنشا ىشكى قاۋىپسىزدىك ءبولىمىنىڭ بىرلەسكەن ءىس-شاراسىنىڭ ناتيجەسىندە سولتۇستىك قازاقستان وبلىسىنىڭ مامانداندىرىلعان اۋدانارالىق ەكونوميكالىق سوتىنىڭ ءتوراعاسى ب.، سوتتىڭ مۇددەلى تۇلعانىڭ پايداسىنا وڭ شەشىمى ءۇشىن 15 مىڭ ا ق ش دوللارى سوماسىندا ءىرى كولەمدە پارا الۋ كەزىندە قىلمىس ۇستىندە ۇستالدى، - دەلىنگەن حابارلامادا.
ايتا كەتەيىك، وسىعان دەيىن اباي وبلىسى كوشى-قون قىزمەتى باسقارماسىنىڭ باسشىسى پارا الدى دەگەن كۇدىككە ىلىنگەنىن جازدىق.
سونداي-اق، س ق و- دا اۋدان اكىمىنىڭ ورىنباسارى پارا الدى دەگەن كۇدىكپەن ۇستالعانى حابارلاندى.
