رەسەيلىك بانكتەر SWIFT-تەن قاشان اجىراتىلاتىنى بەلگىلى بولدى
ەۋروپالىق وداق (ە و) قاۋلىسىنا سايكەس، 2022 -جىلدىڭ 12-ناۋرىزىندا جۇمىس توقتاۋى كەرەك جانە كومپانيا بارلىق تالاپتى ورىنداۋعا دايىن ەكەنىن راستادى.
«ە و- نىڭ ۇلى بريتانيا، كانادا جانە ا ق ش-پەن كەڭەسە وتىرىپ قابىلداعان ديپلوماتيالىق شەشىمدەرى SWIFT-تى رەسەيلىك بانكتەردى قارجىلىق قىزمەتتەرىمىزدەن اجىراتۋ ارقىلى وسى داعدارىستى توقتاتۋ باعىتىندا جۇمىس ىستەۋگە شاقىردى. بۇرىن ايتقانىمىزداي، قولدانىستاعى سانكتسيالار تۋرالى زاڭداردى تولىعىمەن ساقتايمىز»، - دەلىنگەن كومپانيانىڭ مالىمدەمەسىندە.
جەتى بانككە سانكسيا اسەر ەتەدى: ۆ ت ب، «وتكرىتيە»، «نوۆيكومبانك»، «پرومسۆيازبانك»، «روسسيا»، «سوۆكومبانك» جانە ۆەب («ۆنەشەكونومبانك»). شەكتەۋلەر وسى بانكتەردىڭ كليەنتى - 50 پايىزدان استام رەسەيلىك زاڭدى تۇلعالارعا دا قاتىستى.
SWIFT جاھاندىق كووپەراتيۆ ەكەنىن، ءبىراق كومپانيا تىركەلگەن جەرى بويىنشا ە و جانە بەلگيا زاڭدارىنا باعىناتىنىن اتاپ ءوتتى.
SWIFT - قارجىلىق ترانزاكسيالار تۋرالى حابار الماسۋ قىزمەتى. ونىڭ كومەگىمەن بانكتەر، سونىڭ ىشىندە ورتالىق بانكتەر، ينۆەستيتسيالىق ينستيتۋتتار مەن كومپانيالار تولەم، ساۋدا- ساتتىق نەمەسە باعالى قاعازدار تۋرالى حابارلامالارمەن الماسادى. بۇل قىزمەت 1977 -جىلدان بەرى جۇمىس ىستەيدى، ونىڭ بۇكىل الەم بويىنشا 11 مىڭنان استام قارجى ينستيتۋتتارى بار.
بۇعان دەيىن ۇلتتىق بانك ءتوراعاسى عالىمجان ءپىرماتوۆ رەسەيدىڭ SWIFT- تەن اجىراتىلۋى قازاقستانعا قالاي اسەر ەتەتىنى تۋرالى ايتقان بولاتىن.
