«ستراندجا» كۋبوگى: فينالدا قازاق بوكسشىلارى ءبىر-بىرىمەن جۇدىرىقتاسادى

استانا. KAZINFORM - بۇگىن بولگاريا استاناسىندا ءوتىپ جاتقان بوكستان حالىقارالىق «ستراندجا كۋبوگى» فينالىندا قازاق بوكسشىلارى التىن جۇلدەنى ءوزارا ساراپقا سالادى.

ناقتىراق ايتساق، ەرلەر اراسىندا ءتورت سالماقتا، ايەلدەر اراسىندا ءبىر سالماقتا قازاقستاندىق بوكسشىلار فينالدا ءوزارا جولىعادى.

ەرلەر اراسىندا 63,5 كەلى سالماقتا ەرتۋعان زەينۋللينوۆ پەن مۇحاممەدسابىر بازارباي ۇلى ءبىر التىنعا تالاسسا، 71 كەلى سالماق دارەجەسىندە ابىلايحان ءجۇسىپوۆ پەن فارۋح توقتاسىنوۆ ءوزارا كىم مىقتىنى انىقتاماق.

ال 75 كەلى سالماقتا سابىرجان اققالىقوۆ پەن تيمۋر نۇرسەيتوۆ ءبىر-بىرىمەن چەمپيوندىق اتاقتى ساراپقا سالادى.

سونداي-اق، 86 كەلى سالماقتا نۇربەك ورالباي مەن بەكزاد نۇرداۋلەتوۆ ءوزارا مىقتىنى انىقتايدى.

ايەلدەر اراسىندا قازاقستاندىق بوكسشىلار اراسىندا تەك ءبىر سالماقتا قوس قازاقستاندىق بوكسشى التىن مەدالدى ساراپقا سالادى.

ولار - اسا اۋىر (+81 كەلى) سالماقتا سىنعا ءتۇسىپ جۇرگەن بوكسشىلار ءلاززات كۇنگەيبايەۆا مەن دينا يسلامبەكوۆا «ستراندجا كۋبوگىنىڭ» باستى جۇلدەسى - التىنعا تالاسادى.

ەستەرىڭىزگە سالا كەتەيىك، وسىعان دەيىن اتالعان تۋرنيردىڭ فينالىندا جالپى 21 قازاقستاندىق بوكسشى سىنعا تۇسەتىنى تۋرالى جازعان بولاتىنبىز.

اۆتور

كۇنسۇلتان وتارباي