ەستۋ قابىلەتىنەن ايىرىلعان قازاقستاندىق بي ۇجىمى فرانسيادان ەكى ءبىرىنشى ورىندى الىپ كەلدى

 پەتروپاۆل. KAZINFORM - ەستۋ قابىلەتىنەن ايىرىلعان جاستاردان قۇرالعان «Sensitive» بي ءانسامبلى بەدەلدى حالىقارالىق فەستيۆالدە قوس ءبىرىنشى ورىندى جەڭىپ الدى.

سولتۇستىك قازاقستان وبلىسىنىڭ اكىمى عاۋەز نۇرمۇحامبەتوۆ «Sensitive» بي انسامبلىنە قۇرمەت كورسەتتى. ونەر ۇجىمى كەشە استانادا «تولقىندى ارپالىس» اتتى العاشقى بي سپەكتاكلىن ۇسىنىپ، كورەرمەننىڭ قوشەمەتىنە بولەندى.

ال وتكەن اپتادا بي ۇجىمى فرانسيا كورەرمەندەرىن ونەرلەرىنە ءتانتى ەتىپ، حالىقارالىق فەستيۆالدە جەڭىسكە جەتتى.

«مۇنداي جەتىستىكتەرگە سىزدەر قاجىرلى ەڭبەكتىڭ، دارىننىڭ ارقاسىندا جەتىپ وتىرسىزدار. استانا تۇرعىندارىنا دا وزدەرىڭىزدىڭ العاشقى الەۋمەتتىك جوبالارىڭىزدى، سپەكتاكلدەرىڭىزدى ۇسىندىڭىزدار. ول دا كورەرمەننىڭ جوعارى باعاسىن الدى. ەلىمىزدە ينكليۋزيالىق ءبىلىمدى دامىتۋعا ەرەكشە كوڭىل بولىنگەن. ەرەكشەلىكتەرىڭىزگە قاراماستان كوپتەگەن جەتىستىكتەرگە جەتتىڭىزدەر. سىزدەرگە ساتتىلىك تىلەيمىن»، - دەدى س ق و اكىمى.

انسامبل ۇجىمى جانە جەتەكشىسى ولگا روستوۆشيكوۆا قۇرمەت گراموتالارى جانە العىس حاتتارمەن ماراپاتتالدى.

Sensitive بي ءانسامبلىنىڭ قۇرىلعانىنا 17 جىل. وسى ارالىقتا بي ۇجىمى ا ق ش، بولگاريا، يتاليا، يسپانيا، ب ا ءا سەكىلدى ەلدەردە 17 گران- پري جانە 37 ءبىرىنشى ورىندى جەڭىپ العان. قازىر مۇندا ەستۋ قابىلەتى ناشار 40 جاس ونەر كورسەتىپ ءجۇر.

بۇعان دەيىن س ق و- داعى ەڭ جاس ۆولونتەر -تامير رايىمبەكوۆ تۋرالى ايتقان ەدىك.