سەرىك جۇمانعارين تاياۋ شىعىس تۋرالى: يران ارقىلى وتەتىن تەمىرجولعا ۇلكەن جوسپارىمىز بار ەدى

استانا. KAZINFORM - پرەمەر-ءمينيستردىڭ ورىنباسارى - ۇلتتىق ەكونوميكا ءمينيسترى سەرىك جۇمانعارين يران- يزرايل تەكەتىرەسىنىڭ قازاقستاننىڭ سىرتقى ساۋداسىنا قالاي اسەر ەتىپ جاتقانىن ايتتى.

- قازىر بولجام جاساۋعا ەرتە. جاعداي قالاي وزگەرەتىنىن كۇتىپ وتىرمىز. بەيبىت كەلىسىمگە قول جەتكىزىلەدى دەپ ۇمىتتەنەمىز. نە جوعالتامىز دەگەنگە كەلسەك، بارىنەن بۇرىن يرانعا ازىق-تۇلىك جەتكىزەمىز. بۇل وقيعا ول ساۋداعا اسەر ەتپەيدى دەپ ويلايمىن. قايتكەندە دە حالقىنا ازىق كەرەك، ۇلكەن ەل دەگەن سياقتى. ءبىزدى الاڭداتىپ وتىرعان جالعىز ماسەلە - لوگيستيكا، - دەدى سەرىك جۇمانعارين سەناتتىڭ جالپى وتىرىسىنان كەيىن.

اڭگىمە يران تەمىرجول ارقىلى وتەتىن ترانزيتتىك تاسىمال تۋرالى بولىپ وتىر.

- وڭتۇستىككە اپاراتىن جول يران ارقىلى وتەدى. باسقا تەمىرجول جوق. ءبىراق ول جولمەن ازىرگە سونشالىق كوپ تاسىمالداپ وتىرعان جوقپىز. ويتكەنى يران تەمىرجولىنىڭ جاعدايى سونشالىق جاقسى ەمەس جانە ستانسا اۋىستىرۋ ماسەلەلەرى بار. دەگەنمەن ۇلكەن جوسپارلارىمىز بولعان. سوندىقتان احۋالدى ءجىتى باقىلايمىز، - دەدى ۆيتسە- پرەمەر.

ەسكە سالساق، قىتاي يران-يزرايل تەكەتىرەسىنە اسكەري ءىس- قيمىل ارقىلى كيلىككەن ا ق ش- تىڭ ارەكەتىن قاتاڭ ايىپتاعان بولاتىن.