سەمەي ورمانىندا سوڭعى 20 جىلداعى ەڭ تومەن 55 مينۋس گرادۋس تەمپەراتۋرا تىركەلدى

سەمەي. KAZINFORM — سەمەي ورمانى رەزەرۆاتىندا اياز كۇشەيدى.

بۇل جايىندا رەزەرۆاتتىڭ الەۋمەتتىك جەلىدەگى پاراقشاسىنان حابارلاندى.

«سەمەي ورمانى» مەملەكەتتىك تابيعي رەزەرۆاتى اۋماعىندا سوڭعى 20 جىلداعى ەڭ تومەنگى تەمپەراتۋرا تىركەلدى. 20-اقپاننان 21-اقپانعا قاراعان ءتۇنى سەمەي بولىمشەسىنىڭ باتپايەۆ ورمان شارۋاشىلىعىندا (اباي وبلىسى بورودۋليحا اۋدانىنداعى دۋساكەن ستانساسىنىڭ ماڭى) تەرمومەتر 55 - گرادۋسقا جەتتى. تاۋدالا بولىمشەسىنىڭ (اباي وبلىسى كوكپەكتى اۋدانى) ۇلكەن ورمان شارۋاشىلىعىندا سىناپ باعاناسى 53 - كورسەتتى»، - دەيدى سەمەي ورمانىنىڭ عىلىمي قىزمەتكەرى اينۇر بايماديەۆا.

قورىقتىڭ بۇكىل اۋماعىندا وسى كۇنى ەڭ تومەنگى تەمپەراتۋرا ورتا ەسەپپەن مينۋس 31 مەن 50 مينۋس گرادۋس ارالىعىندا وزگەردى.

ايتا كەتۋ كەرەك، مۇنداي تومەن تەمپەراتۋرا قورىقتىڭ بۇكىل تاريحىندا (2003-جىلدان بەرى) بايقالماعان.

تابيعات حرونيكاسىنىڭ مالىمەتىنشە، وسى جىلعا دەيىنگى ەڭ تومەنگى تەمپەراتۋرا 2018-جىلدىڭ 26-​​قاڭتارىندا تىركەلگەن.

سول كەزدە سىناپ باعاناسى كەي جەرلەردە 50 مينۋس گرادۋسقا دەيىن ءتۇسىپ كەتكەن ەدى.