سۇلۋلىعىنان امبيتسياسى عانا اسىپ تۇسەدى - پاۆەل دۋروۆ قازاقستان جايلى نە جازدى
استانا. KAZINFORM - كاسىپكەر، Telegram نەگىزىن قالاۋشى پاۆەل دۋروۆ قازاقستانعا ساپارىنان العان اسەرىن ءبولىستى.
«جاقىندا ورتالىق ازيانىڭ ەكونوميكالىق قۋاتتى ورتالىعى - قازاقستاننان ورالدىم. ايبىندى استانادا، جارق-جۇرق ەتكەن الماتىدا، كوركەم بۋرابايدا جانە تابيعاتى تاماشا شارىن شاتقالىندا بولدىم. قازاقستاننىڭ سۇلۋلىعىنان ونىڭ امبيتسيالارى عانا اسىپ تۇسە الادى. ەل بيزنەسكە جايلى ساياساتى مەن قولايلى سالىعى ارقىلى حالىقارالىق كومپانيالار مەن تەحنولوگيالىق ستارتاپتاردى وزىنە تارتادى. ول سونداي-اق يننوۆاتسيالىق مەكتەپتەر مەن ۋنيۆەرسيتەتتەردى قولداۋ ارقىلى ءبىلىم مەن عىلىمداعى جەتىستىكتەرىن ەسەلەپ وتىر»، - دەپ جازدى پاۆەل دۋروۆ Telegram پاراقشاسىندا.
ونىڭ ايتۋىنشا، 20 ميلليون قازاقستاندىقتىڭ 12,5 ميلليونى اي سايىن Telegram پايدالانادى.
بۇل وتكەن جىلمەن سالىستىرعاندا 25 پايىزعا ارتىق.
«ءبىز قازاق حالقىنىڭ نەگىزگى كوممۋنيكاتسيالىق الاڭى بولا العانىمىزدى ماقتان ەتەمىز جانە ونىڭ جىلدام ەكونوميكالىق جانە سيفرلىق ترانسفورماتسياسىن جەدەلدەتەتىن قۇرال بولىپ قالا بەرەمىز دەگەن ۇمىتتەمىز» دەيدى بيزنەسمەن.
