الماتى تۇرعىندارى قىتايلىق Sinopharm ۆاكسيناسىن قاشان سالدىرا الادى؟

الماتى. قازاقپارات - الماتىدا دارىگەرلەر قىتايلىق Sinopharm ۆاكسيناسى قالا تۇرعىندارى ءۇشىن قاشان قولجەتىمدى بولاتىنىن ايتتى.
None
None

قالالىق قوعامدىق دەنساۋلىق باسقارماسى مالىمەتىنشە، جاقىندا قازاقستانعا Sinopharm قىتاي فارماتسيەۆتيكالىق كەشەنى وندىرەتىن Vero Cell ۆاكسيناسى جەتكىزىلگەن. پرەپارات پەكيننەن الماتىعا جەتكىزىلدى.

«قازىرگى ۋاقىتتا Vero Cell ۆاكسيناسى «س ق- فارماتسيا« قويماسىندا. ۆاكسينا الماتى قالاسى قوعامدىق دەنساۋلىق باسقارماسىنىڭ قويماسىنا ءالى تۇسكەن جوق. ۆاكسينا ەمحانالارعا تۇسكەن بويدا، حالىققا اقپارات بەرىلەدى. تامىزدىڭ ورتاسىندا پرەپاراتپەن ۆاكسينالاۋ باستالادى دەپ كۇتىلەدى»، - دەدى ۆەدومستۆو باسپا ءسوز قىزمەتىندەگىلەر.

بۇعان دەيىن الماتىعا Sinopharm كومپانياسىنان ءبىر ميلليون دوزا مولشەرىندە قىتايلىق Vero Cell ۆاكسيناسىنىڭ ءبىرىنشى پارتياسى كەلگەنى حابارلانعان بولاتىن. قازاقستان وسى ۆاكسينانىڭ ءتورت ميلليون دوزاسىن ساتىپ الدى.

Sinopharm قىتاي ۆاكسيناسى بيىل 7-مامىرىندا دۇنيەجۇزىلىك دەنساۋلىق ساقتاۋ ۇيىمىمەن ماقۇلدانعان. شىلدەدە ول COVAX ۆاكسينالار بانكىنە كىردى. ۆاكسينا يناكتيۆتى، ەكى دوزالى. ساقتاۋ مەرزىمى - 24 اي.

«بۇل د د س ۇ قاۋىپسىز جانە ءتيىمدى دەپ باعالاعان العاشقى قىتاي پرەپاراتى. 45 ەلدە ەرەسەكتەرگە سالۋعا رۇقسات ەتىلگەن. بۇگىندە ۆاكسينانى قىتايدان باسقا، ب ا ءا مەن سەربيادا وندىرەدى. سونىمەن قاتار، قىتاي مەن ب ا ءا قىتايدىڭ Sinopharm فارماكولوگيالىق كومپانياسىنىڭ ءۇش جاستان 17 جاسقا دەيىنگى بالالارعا ارنالعان يناكتيۆتەندىرىلگەن ۆاكسيناسىن شۇعىل قولدانۋدى ماقۇلدادى»، - دەپ قوستى كومپانيا وكىلى.

بۇعان دەيىن قازاقستاندا قىتايلىق Sinopharm ۆاكسيناسى جاپپاي ەگىلەتىنى حابارلانعان بولاتىن. ءساۋىردىڭ سوڭىندا قازاقستان ب ا ءا - دە Hayat-Vax ساۋدا اتاۋىمەن شىعارىلعان پەكين بيولوگيالىق ونىمدەر ينستيتۋتىنان Sinopharm پرەپاراتىنىڭ ميلليون دوزاسىن ساتىپ الىپ ۇلگەردى.


سوڭعى جاڭالىقتار