سۋبۇرقاققا 17 جاستاعى جىگىت ءتۇسىپ، جان تاپسىردى: ءولىم سەبەبى بەلگىلى بولدى

استانا. قازاقپارات - الماتىدا ۋنيۆەرسيتەتى ماڭىنداعى سۋبۇرقاقتا مەرت بولعان 17 جاستاعى بالانىڭ نەدەن قايتىس بولعانى بەلگىلى بولدى، - دەپ حابارلايدى Massaget.kz.

وڭتۇستىك- شىعىس ءوڭىرى بويىنشا ءوڭىرارالىق سوت ساراپتاماسى ورتالىعى ديرەكتورىنىڭ مەديتسينالىق ماسەلەلەر جونىندەگى ورىنباسارى ميرجان بايسادىقوۆ ساراپتاما ارقىلى جىگىتتىڭ ءولىم سەبەبىن انىقتالعانىن ايتتى.

«ءولىم سۋعا تۇسكەن كەزدە تىنىس الۋ جولدارى سۋمەن جابىلۋىنا بايلانىستى مەحانيكالىق اسفيكسيادان بولدى. زەرتحانالىق تالداۋلاردا بۇل راستالدى»، - دەدى ساراپشى.

ەسكە سالايىق، قايعىلى وقيعا 19-ماۋسىمدا بولعان ەدى. 17 جاستاعى جىگىت ءال-فارابي اتىنداعى قاز ۇ ۋ ماڭىنداعى سۋبۇرقاققا تۇسكەن كەزىندە مەرت بولدى.