سارى ماي قانشا تۇرادى: وڭىرلەردەگى باعاعا شولۋ
استانا. KAZINFORM - بيىل ماۋسىمدا ستاتيستيكا كورسەتكەندەي ەلىمىزدە تابيعي سارى ماي باعاسىنىڭ وسكەنى بايقالدى. ال قازىر وڭىرلەردە سارى ماي قانشادان ساتىلىپ جاتىر؟
Kazinform اگەنتتىگى باعاعا شولۋ جاساعان ەدى.
وسى ايداعى (قىركۇيەك) مالىمەتكە سۇيەنسەك، ەلوردا دۇكەندەرىنىڭ سورەلەرىندە ءبىر كەلى تابيعي سارى مايدىڭ باعاسى وندىرۋشىگە بايلانىستى 2500 تەڭگەدەن 6900 تەڭگەگە دەيىن بارادى.
تۇركىستاندا ءبىر كەلى ماي 3500-4000 تەڭگە تۇرادى، قاراعاندىدا دۇكەن مايىنىڭ كەلىسى 5500 تەڭگە، ال قولدىڭ مايىنىڭ كەلىسى 6500-7000 تەڭگەدەن ساتىلىپ جاتىر.
اتالعان ءسۇت ءونىمىنىڭ كەلەسى وڭىرلەردەگى باعاسى شامالاس، ياعني اتىراۋ مەن الماتىدا ءبىر كەلى سارى ماي (وندىرۋشىگە بايلانىستى) 3800-7000 تەڭگە ارالىعىندا، قونايەۆ قالاسىندا 3900 تەڭگەدەن، ال شىمكەنتتە ءبىر كەلى سارى مايعا 4000 تەڭگە جۇمسايسىز.
قوستاناي تۇرعىندارى سارى مايدىڭ كەلىسىن 4000-6500 تەڭگە ارالىعىندا ساتىپ الىپ جاتىر.
تارازدا ءبىر كەلى سارى مايدىڭ باعاسى 4500 تەڭگەدەن باستالادى، ال تالدىقورعاندا 4500-5000 تەڭگەدەن ساتىلادى.
اقتاۋ دۇكەندەرىندە بۇل ءونىمنىڭ باعاسى ءبىرشاما قىمبات، ياعني كەلىسى 4700-5000 تەڭگە، سونداي-اق پاۆلودار مەن كوكشەتاۋ دۇكەندەرىندە دە ارزان ەمەس، ءبىر كەلى سارى مايعا 5000-6000 تەڭگە تولەيسىز.
پەتروپاۆلدا مايدىڭ كەلىسى 5500 تەڭگە، ال اقتوبەدە كەلىسى 5500-6000 تەڭگەگە ساتىلادى. قىزىلوردا تۇرعىندارى ءۇشىن سارى مايدىڭ باعاسى 5600 تەڭگەدەن باستالادى.
ەلىمىزدە ەڭ قىمبات سارى ماي ورال، جەزقازعان، سەمەي جانە وسكەمەن قالاسىندا ساتىلادى ەكەن. اتالعان وڭىرلەردە باعا - 6000 تەڭگە.
