ساراپشى اياقتى ىستىق سۋعا سالۋ باس اۋرۋىن باسۋعا قانشالىق كومەكتەسەتىنىن ءتۇسىندىردى

Фото: pixabay.com
Фото: pixabay.com

استانا. KAZINFORM - قوعامدا اياقتى ىستىق سۋعا سالىپ وتىرۋ، باس ساقيناسىن باسادى نەمەسە توقتاتادى دەگەن پىكىر بار. بۇل قانشالىق راس؟ ساراپشى مەليندا رينگ ءتۇسىندىردى، - دەپ حابارلايدى Massaget.kz ءتىلشىسى.

ماماننىڭ ايتۋىنشا، اياقتى ىستىق سۋعا سالۋ جۇيكە جۇيەسىنە اسەر ەتۋى مۇمكىن. جىلى سۋ دەنەنىڭ پەريفەرياسىنداعى جۇيكە جاسۋشالارىن ىنتالاندىرادى، بۇل تەوريالىق تۇرعىدان باس ساقيناسى كەزىندە ميعا تۇسەتىن اۋىرسىنۋدى باسا الادى.

«باس اۋرۋى كەزىندە ىستىق سۋدىڭ ناقتى قالاي جۇمىس ىستەيتىنى ءالى انىق ەمەس. ازىرگە بۇل تاقىرىپقا قاتىستى زەرتتەۋ جەتكىلىكسىز. الايدا، كەيبىر ادامدارعا باس اۋرۋدى باسۋعا بۇل ءادىس شىنىمەن دە كومەكتەسەدى»، - دەيدى مەديتسينا عىلىمدارىنىڭ دوكتورى مەليندا رينگ.

ساراپشىلار باس اۋىرعاندا اياقتى ىستىق سۋعا سالىپ كورۋگە كەڭەس بەردى، ويتكەنى ءادىس قاراپايىم جانە قاۋىپسىز.

ايتا كەتەيىك، بۇعان دەيىن مامان باس اۋرۋىن ءدارىسىز قالاي باسۋعا بولاتىنى حابارلانعان بولاتىن.

مامان باس اۋرۋىن ءدارىسىز باسۋعا بولاتىندىقتان، اۋىرسىنۋدى باساتىن ءدارىنى تىم كوپ مولشەردە پايدالانباۋعا كەڭەس بەردى.

«ءتيىمدى ءادىس - باس سۇيەگىنىڭ نەگىزىنە ماسساج جاساۋ. باس بارماقتارىڭىزبەن جەلكە بولىگىن اقىرىن ورتالىقتان ەكى جاققا، ياعني قۇلاققا دەيىن ۋقالاڭىز. كىشكەنتاي كەۋدە بۇلشىقەتىمەن دە جۇمىس ىستەۋگە بولادى. يىق پەن مويىن سۇيەگى قوسىلاتىن جەردە سالماق تۇسىرسە، اۋراتىن شۇڭقىر بار، ۇستىنەن باسىپ، ونى دا ۋقالاۋعا بولادى»، - دەپ ءتۇسىندىردى ۆلاديمير بوندارەنكو.

سوڭعى جاڭالىقتار