سالتانات نۇكەنوۆانىڭ اعاسى بيشىمبايەۆتان مورالدىق شىعىن ءوندىرىپ الا ما

استانا. KAZINFORM - مارقۇم سالتانات نۇكەنوۆانىڭ اعاسى ايتبەك امانگەلدىنىڭ ارىزىنا سايكەس، 24 جىلعا سوتتالعان ەكس- مينيستر قۋاندىق بيشىمبايەۆتىڭ ۇستىنەن ماتەريالدىق جانە مورالدىق شىعىندى ءوندىرۋ تۋرالى ازاماتتىق ءىس قوزعالدى.

استانا قالاسىنىڭ ازاماتتىق ىستەر جونىندەگى اۋدانارالىق سوتىنىڭ سۋدياسى د. ت. جۋمايەۆ ازاماتتىق ءىس ماتەريالدارىن زەردەلەي كەلە، ق ر ا ى ج ك- ءنىڭ 52-بابىنىڭ 1-بولىگىنە سايكەس، ءۇشىنشى تۇلعالاردىڭ 1999 -جىلعى 20 -جەلتوقسانداعى № 109-بابىنىڭ 1-تارماعىنا سايكەس قىلمىستىق ءىس جۇرگىزۋ قۇقىعىنان ايىرعانىن انىقتادى.

بۇل رەتتە، سالتانات پەن ايتبەكتىڭ اتا-انالارى - امانگەلدى مەن جۇماگۇل نۇكەنوۆتەر داۋدىڭ نىساناسىنا ءوز بەتىنشە تالاپتار قويماعان ءۇشىنشى تۇلعا رەتىندە تارتىلعان.

«سوت ق ر ا ى ج ك- ءنىڭ 52، 268، 269-باپتارىن باسشىلىققا الا وتىرىپ، ايتبەك امانگەلدىنىڭ بيشىمبايەۆ قۋاندىق ءۋاليحان ۇلىنا قاتىستى ماتەريالدى ءوندىرۋ تۋرالى تالاپ ارىزى بويىنشا كەلتىرىلگەن زالال جانە مورالدىق زياندى وتەۋ ىسىنە ءۇشىنشى تۇلعالار رەتىندە داۋدىڭ نىساناسى بويىنشا ءوز بەتىنشە تالاپتارىن مالىمدەمەيتىن امانگەلدى تەمىرشوت ۇلى نۇكەنوۆ، جۇماگۇل كوشەرحان قىزى نۇكەنوۆا تارتىلسىن»، - دەلىنگەن سوت ماتەريالىندا.

سوت وتىرىسى بيىل 3-قىركۇيەكتە ساعات 11:00 دە وتەدى.

ايتا كەتەيىك، نەگىزگى سوت وتىرىسىندا مارقۇمنىڭ وتباسى سوتتالۋشىدان اقشالاي وتەماقى تالاپ ەتپەگەن ەدى. ادۆوكات جاننا ۋرازباحوۆانىڭ ايتۋىنشا، نۇكەنوۆانىڭ تۋىستارى ول كەزدە اقشا تۋرالى مۇلدەم ويلاماعان، سەبەبى «قانشا قاراجات ۇسىنسا دا، سالتانات قايتىپ كەلمەيدى» دەگەن ويدا جۇرگەن.

بۇل ارىزدىڭ وزىندىك سەبەبى بار. سوتتالۋشى قۋاندىق بيشىمبايەۆ ماتەريالدىق جانە مورالدىق شىعىندى تولىق وتەمەي شارتتى تۇردە مەرزىمىنەن بۇرىن بوساپ شىعا المايدى. سوندىقتان دا ءىرى كولەمدەگى مورالدىق جانە ماتەريالدىق شىعىندى ءوندىرۋ تۋرالى تالاپ قويۋ سالتانات نۇكەنوۆانىڭ تۋىستارىنا ماڭىزدى بولىپ وتىر.