ساداق اتۋدان مەرگەندەرىمىز باعداتتا قولا جۇلدەگە قول جەتكىزدى

استانا. KAZINFORM - بۇل كۇندەرى يراك استاناسى باعداتتا ساداق اتۋدان ازيا كۋبوگىنىڭ العاشقى كەزەڭى ءوتىپ جاتىر.

ق ر سپورت جانە دەنە شىنىقتىرۋ ىستەرى كوميتەتى ءمالىم ەتكەندەي، بۇگىن قۇرالمالى ساداقپەن (Compound bow) اتۋدا قازاقستان ەرلەر قۇراماسى ءۇشىنشى ورىنعا تابان تىرەدى.

جۇلدە جولىندا اكبارالى قارابايەۆ، ءشامىل ساگۋتدينوۆ پەن بۋنەد ميرزامەتوۆ جارىس قوجايىنى يراكتىڭ كومانداسىنان باسىم ءتۇستى. ەسەپ: 227-215.

ەرتەڭ جارىستىڭ شەشۋشى كۇنى وليمپيادا باعدارلاماسىنا كىرەتىن كلاسسيكالىق ساداق اتۋدان جەكەلەي جانە كوماندالىق سايىس وتەدى.

ايتا كەتەيىك، وسىعان دەيىن شىمكەنت قالاسىندا نىسانا كوزدەۋدەن «التىن مەرگەن» حالىقارالىق تۋرنيرى ءوتىپ جاتقانىن جازعان بولاتىنبىز.

اۆتور

كۇنسۇلتان وتارباي