21:45, 25 - ماۋسىم 2024 | GMT +6
سابليامەن سەمسەرلەسۋدەن قازاقستان كومانداسى قولا مەدال ەنشىلەدى
استانا. KAZINFORM - سابليامەن سەمسەرلەسۋدەن قازاقستان كومانداسى كۋۆەيتتە ءوتىپ جاتقان ازيا بىرىنشىلىگىنىڭ قولا جۇلدەگەرى اتاندى.
ۇلتتىق وليمپيادالىق كوميتەتتىڭ مالىمەتىنشە، قازاقستاندىقتار كوماندالىق سىندا ۇزدىك ۇشتىككە ەندى.
ءتۋرنيردىڭ نەگىزگى اينالىمىندا وتانداستارىمىز وزبەكستان مەن جاپونيانى قاپى قالدىرىپ، جارتىلاي فينالدا يرانعا ەسە جىبەرگەن. وسىلايشا، باقداۋلەت قۇرالبەك ۇلى، ارتەم ساركاسيان، ساتتارحان نازارباي جانە جانات نابيەۆ تورتتىگى قۇرلىقتىق دودانىڭ قولا جۇلدەسىنە يە بولدى.
ايتا كەتەيىك، بۇعان دەيىن ەرلىك سەرتاي ەرلەر شپاگاسىنان قولا مەدال جەڭىپ العان بولاتىن.
