سۋ تاسقىنىنان زارداپ شەككەن ايماقتاردان 1000 عا جۋىق بالا «بالداۋرەن» لاگەرىندە دەمالدى
استانا. KAZINFORM - سۋ تاسقىنىنان زارداپ شەككەن ايماقتاردان 1000 عا جۋىق بالا «بالداۋرەن» رەسپۋبليكالىق وقۋ-ساۋىقتىرۋ ورتالىعىندا دەمالدى.
بۇل تۋرالى ق ر وقۋ-اعارتۋ مينيسترلىگى حابارلادى.
«بالداۋرەن» رەسپۋبليكالىق وقۋ-ساۋىقتىرۋ ورتالىعىندا كەلەسى اپتادا جاڭا ماۋسىم باستالادى. بيىلعى جازدا بۇل ورتالىق 6000 نان استام بالانى قابىلدايدى.
رەسپۋبليكالىق وقۋ-ساۋىقتىرۋ ورتالىعى جازعى كەزەڭدە ءارقايسىسى 15 كۇننەن تۇراتىن بەس اۋىسىم وتكىزەدى، ءاربىر اۋىسىم رۋحاني-ادامگەرشىلىك، پاتريوتتىق تاربيە بەرۋ، بالالاردىڭ فيزيكالىق دامۋى سەكىلدى ءتۇرلى باعىتتاردى قامتيدى.
«بيىلعى جىلدىڭ باسىنان ورتالىقتا 5800 بالا دەمالدى، ولاردىڭ 842 ءسى زارداپ شەككەن ايماقتاردان كەلگەن بالالار. كەلەسى اپتادا جاڭا ماۋسىمعا اتىراۋ جانە سولتۇستىك قازاقستان وبلىستارىنان تاعى 17 بالا كەلەدى دەپ كۇتىلۋدە. جازدىڭ سوڭىنا دەيىن سۋ تاسقىنىنان زارداپ شەككەن ايماقتاردان 1000 عا جۋىق بالانى دەمالىسپەن قامتۋ جوسپارلانىپ وتىر»، - دەپ حابارلادى «بالداۋرەن» ر و س و باسپا ءسوز قىزمەتى.
ايتا كەتەيىك، ورتالىق ءارتۇرلى قۇرىلىمدىق بولىمشەلەردەن تۇرادى: ءبىلىم بەرۋ، تاربيە، مەديتسينالىق، دەنە شىنىقتىرۋ كەشەندەرى.
سۋ تاسقىنى باستالعالى بەرى ءتۇرلى رەسپۋبليكالىق ساۋىقتىرۋ ورتالىقتارىندا 1083 بالا دەمالدى. جازعى كەزەڭدە دەمالىسپەن تاعى 3,7 مىڭعا جۋىق بالا قامتىلادى.
